Заапарк апублікаваў відэа з жывёламі, падпісаўшы «Усіх з вясной!».
Мядзведзі пасля спячкі. Скрыншот з відэа: Гродзенскі заапарк
У спячку мядзведзі сышлі яшчэ ў лістападзе. Нягледзячы на цёплую зіму, яны не прачыналіся больш за тры месяцы.
«Зрэдку, у пагодлівыя дні, касалапыя выходзілі на вуліцу для таго, каб трохі размяцца. Але пасля непрацяглых прагулак вярталіся ў свае мяккія «пасцелькі» і зноў апускаліся ў сон», — расказалі ў заапарку.
Таксама прэс-служба ўдакладніла, што ўзімку мядзведзі не галадаюць — іх кормяць наўпрост у бярлозе. Каб цалкам прачнуцца, жывёлам спатрэбіцца некалькі дзён. А калі на вуліцы зноў стане халодна, то тыдняў.
У мінулым годзе мядзведзі прачнуліся 28 лютага.
Цяпер чытаюць
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк7
Каментары