Ва Украіны скончыліся дальнабойныя ракеты ATACMS для ўдараў па Расіі
Яны скончыліся яшчэ ў студзені.
Фота: AP Photo / Andreea Alexandru
Узброеныя сілы Украіны скарысталі ўсе дальнабойныя ракеты ATACMS, якія яны выкарыстоўвалі для ўдараў па тэрыторыі Расіі, паведамілі Associated Press неназваны амерыканскі чыноўнік і член Камітэта абароны Вярхоўнай Рады.
Са слоў суразмоўцы агенцтва з ЗША, усяго Вашынгтон даў Кіеву менш за 40 дальнабойных ракет. Пры гэтым яны скончыліся яшчэ ў канцы студзеня.
УСУ выкарыстоўвалі ATACMS для ўдараў па Курскай, Бранскай, Белгародскай і Растоўскай абласцях. У выніку некаторых нападаў былі загінулыя і разбурэнні.
19 і 21 лістапада пад ударам амерыканскіх ракет аказаліся ваенныя аб'екты ў Бранскай і Курскай абласцях. У апошняй мэтай атакі стаў камандны пункт групоўкі «Поўнач».
Каментары