На гэты момант узрост гэтай сацыяльнай групы ў краіне заканадаўча вызначаны ад 14 да 31 года, але згодна з класіфікацыяй СААЗ, маладымі лічацца людзі да 44 гадоў.
Узроставыя межы маладосці ў Беларусі могуць быць пашыраны да 35 гадоў — гэтае пытанне знаходзіцца на этапе абмеркавання, паведаміла «Спутніку» намесніца міністра адукацыі Кацярына Пятруцкая.
«Гэтае пытанне знаходзіцца ў распрацоўцы, скажам так. Трыццаць адзін год для моладзі — на мой погляд, ужо дастаткова. (Але) працуем над гэтым пытаннем, абмяркоўваем, існуюць розныя пункты гледжання. Перыядычна гэтае пытанне ўздымаецца», — сказала яна, адказваючы на адпаведнае пытанне Sputnik у кулуарах патрыятычнага форуму моладзі Саюзнай дзяржавы, які адкрыўся ў Мінску 19 сакавіка.
Раней такую ініцыятыву выказалі прадстаўнікі Маладзёжнага парламента Беларусі. Паводле іх меркавання, павелічэнне ўзросту моладзі да 35 гадоў справядлівае на фоне павышэння пенсійнага ўзросту. Таксама прыводзіўся і такі аргумент: многія пары ствараюць сем’і, нараджаюць дзяцей, калі ім ужо за 30 гадоў. Пры гэтым муж і жонка ўжо не маюць статусу маладой сям’і, а значыць, пазбаўленыя розных ільгот.
Паводле Белстата на 1 студзеня 2024 года, колькасць маладых людзей у краіне складала 1 628 339 чалавек — амаль 18% насельніцтва краіны.
Згодна з класіфікацыяй узростаў СААЗ, маладымі лічацца людзі да 44 гадоў. Тыя, каму 45-59 гадоў, адносяцца да сярэдняга ўзросту, 60—74 гады — да пажылога, 75—90 — да старасці. Перыяд даўгалецця надыходзіць у тых, хто пражыў больш за 90 гадоў.
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1010
Каментары