Стала вядома пра смерць 47-гадовага бізнэсмена і былога палітвязня Дзяніса Бойдака
Дзяніс памёр у чэрвені 2024 года. Хутчэй за ўсё, ён быў на хіміі за ўдзел у пратэстах.
Мінчуку Дзянісу Бойдаку было 47 гадоў. Згодна з інфармацыяй з сацсетак, пасля школы вучыўся ў Інстытуце сучасных ведаў імя Шырокава, а потым заняўся бізнэсам.
Бойдак больш за 20 гадоў займаўся продажам адзення — оптам і ў розніцу — і меў некалькі бізнэсаў. Да нядаўняга часу ў Бойдака было некалькі кропак па Мінску, дзе прадавалася адзенне.
8 чэрвеня 2023 года ў Кастрычніцкім судзе Мінска Дзяніса судзілі за ўдзел у пратэстах па «народным» артыкуле 342 Крымінальнага кодэкса. У большасці падобных выпадкаў чалавек некалькі месяцаў да суда знаходзіцца ў СІЗА, а пасля атрымлівае хімію — з накіраваннем ці хатнюю, — і вызваляецца.
Дакладны прысуд Бойдаку невядомы, але, хутчэй за ўсё, яму таксама далі хімію.
30 чэрвеня 2023 года, праз некалькі тыдняў пасля суда, міліцыя ўключыла яго ў спіс «экстрэмістаў». Гэта значыць, што Бойдак вырашыў не пісаць апеляцыю і прысуд набыў сілу.
Тым часам бізнэс сыпаўся — улетку 2023 закрылася адна з ягоных фірмаў, ІП было ў стане ліквідацыі. Засталася толькі адна юрыдычная асоба, да якой меў дачыненне Дзяніс і дзе ён быў дырэктарам.
Дзяніс Бойдак памёр 4 чэрвеня 2024 года. Прычына ягонай смерці невядомая.
«Самы непарушны чалавек, ён выбіраўся з любога га*на. Ён ніколі не здаваўся, што б ні адбывалася», — пракаментавала ў фэйсбуку яго сяброўка. Дзясяткі чалавек, якія ведалі Дзяніса, напісалі словы спачування.
«Наша Нiва» — бастыён беларушчыны
ПАДТРЫМАЦЬЦяпер чытаюць
Беларусы горача спрачаюцца, ці варта прывязваць дапамогу на дзіця да заробку маці46
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары