Супраць рыбака з Мядзельскага раёна распачалі крымінальную справу за лоўлю шчупакоў
Прычынай для крымінальнай справы сталі дзевяць шчупакоў, якіх ён вылавіў з дапамогай трох сетак, піша БелТА.
Ілюстрацыйнае фота: «Наша Ніва»
Дзевяць шчупакоў аказаліся забароненымі для лоўлі ў Беларусі з 9 сакавіка па 23 красавіка. Следчы камітэт палічыў, што праз іх лоўлю 56-гадовы рыбак прычыніў навакольнаму асяроддзю шкоду ў 4,7 тысяч рублёў.
Усяго 21 сакавіка на возеры Вялікія Швакшты ў Пастаўскім раёне вылавіў 23 рыбы. Яго заўважылі інспектары Нацыянальнага парку «Нарачанскі».
Пастаўскі РАСК распачаў супраць рыбака крымінальную справу аб незаконнай здабычы рыбы (частка 2 артыкула 281 КК). Максімальнае пакаранне па ёй — пазбаўленне волі тэрмінам да 3 год.
Каментары