У кіраўніцтве Украіны расце расчараванне ў сувязі з прапанаваным Вашынгтонам планам мірнага ўрэгулявання.
Кіеў рыхтуецца да магчымай адмовы Злучаных Штатаў ад далейшай падтрымкі. Пра гэта паведамляе Bild, спасылаючыся на крыніцу ва ўрадзе Украіны. «Мы рыхтуемся да найгоршага сцэнара. А менавіта — да спынення падтрымкі з боку ЗША», — прыводзіць выданне словы суразмоўцы.
Чыноўнік на ўмовах ананімнасці таксама распавёў, што ў кіраўніцтве Украіны расце расчараванне ў сувязі з прапанаваным Вашынгтонам планам мірнага ўрэгулявання, а таксама адсутнасцю ціску з боку прэзідэнта ЗША Дональда Трампа на Уладзіміра Пуціна і нежаданнем амерыканскага боку ўзмацняць санкцыі супраць Расіі.
«Мы спадзяваліся, што гэта была ўсяго толькі яго перамоўная тактыка. Але ён не цісне на Пуціна, не ўводзіць ніякіх санкцый і нават не выказвае публічнага абурэння з нагоды жорсткіх атак на мірных грамадзян Украіны», — патлумачыла крыніца.
Суразмоўца Bild падкрэсліў, што прапанаваныя ЗША ўмовы мірнага пагаднення не адпавядаюць інтарэсам Украіны.
«Тое, што зафіксавана на паперы, і тое, пра што нам сігналізуюць на перамовах — непрымальна. Мы не здамося проста так. Нават калі б урад хацеў пайсці на гэта, а гэта не так, народ выступіў бы супраць», — дадаў суразмоўца выдання.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары12
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары