Украінскі суд завочна прысудзіў збеглага былога прэзідэнта Віктара Януковіча да 15 гадоў калоніі па справе аб незаконным перасячэнні мяжы і падбухторванні да дэзерцірства. Былы начальнік яго аховы Канстанцін Кабзар атрымаў 10 гадоў.
Паводле версіі следства, 23 лютага 2014 года Януковіч, «дзейнічаючы ў змове» з Кабзаром, незаконна перасёк мяжу Украіны паветраным шляхам, а таксама арганізаваў вываз з краіны прынамсі 20 чалавек са свайго бліжэйшага акружэння і з ліку супрацоўнікаў прэзідэнцкай аховы.
Генпракуратура Украіны заяўляе, што Януковіч асабіста падбухторваў супрацоўнікаў аховы дэзерціраваць і з'ехаць у Расію, частка з іх, паводле дадзеных ведамства, сапраўды з'ехала і на службу не вярнулася.
Гэта ўжо другі прысуд Януковічу ва Украіне. У 2019 годзе яго завочна прысудзілі да 13 гадоў пазбаўлення волі за дзяржаўную здраду і садзейнічанне ў «вядзенні агрэсіўнай вайны супраць Украіны».
-
Рутэ: Вайскоўцы краін НАТА з’явяцца ва Украіне адразу пасля заключэння мірнага пагаднення
-
Наўседа: Я буду сярод тых, хто найбольш жорстка патрабуе падаўжэння санкцый ЕС супраць Беларусі
-
Біл і Хілары Клінтан пагадзіліся даць паказанні Кангрэсу аб сувязях з Эпштэйнам. Адмова пагражала ім крымінальнай справай
Цяпер чытаюць
Калеснікава: Лукашэнка можа пайсці на спыненне рэпрэсій дзеля будучыні і «з нейкай мудрасці»23
Каментары