Ukrainski sud zavočna prysudziŭ źbiehłaha byłoha prezidenta Viktara Janukoviča da 15 hadoŭ kałonii pa spravie ab niezakonnym pierasiačeńni miažy i padbuchtorvańni da deziercirstva. Były načalnik jaho achovy Kanstancin Kabzar atrymaŭ 10 hadoŭ.
Pavodle viersii śledstva, 23 lutaha 2014 hoda Janukovič, «dziejničajučy ŭ zmovie» z Kabzarom, niezakonna pierasiok miažu Ukrainy pavietranym šlacham, a taksama arhanizavaŭ vyvaz z krainy prynamsi 20 čałaviek sa svajho bližejšaha akružeńnia i ź liku supracoŭnikaŭ prezidenckaj achovy.
Hienprakuratura Ukrainy zajaŭlaje, što Janukovič asabista padbuchtorvaŭ supracoŭnikaŭ achovy dezierciravać i źjechać u Rasiju, častka ź ich, pavodle dadzienych viedamstva, sapraŭdy źjechała i na słužbu nie viarnułasia.
Heta ŭžo druhi prysud Janukoviču va Ukrainie. U 2019 hodzie jaho zavočna prysudzili da 13 hadoŭ pazbaŭleńnia voli za dziaržaŭnuju zdradu i sadziejničańnie ŭ «viadzieńni ahresiŭnaj vajny suprać Ukrainy».
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary