«І любы, хто думае, што ён спыніцца, — проста дурань», — заявіў экс-прэзідэнт ЗША.
Прэзідэнт Расіі Уладзімір Пуцін разглядае Украіну як частку Расіі, і яго не задаволіць частковае ўтрыманне ўкраінскай тэрыторыі ў межах магчымай мірнай дамовы. Пра гэта заявіў былы прэзідэнт ЗША Джо Байдэн у размове з BBC News.
Гэтае інтэрв’ю стала першым пасля таго, як Байдэн пакінуў Белы дом.
Байдэн назваў магчымасць замацавання за Расіяй часткі ўкраінскіх тэрыторый праявай «сучаснай палітыкі замірэння».
Паводле яго слоў, Пуцін імкнецца аднавіць уплыў, які калісьці меў СССР.
«Ён не можа змірыцца з тым фактам, што <…> Савецкі Саюз распаўся. І любы, хто думае, што ён спыніцца, — проста дурань», — дадаў Байдэн.
Таксама былы прэзідэнт выказаў заклапочанасць магчымым пагаршэннем адносін паміж ЗША і Еўропай праз прэзідэнцтва Дональда Трампа. Такія падзеі, па словах Байдэна, могуць змяніць сучасную гісторыю ўсяго свету.
Цяпер чытаюць
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве44
Каментары