Літоўская прамысловая група SBA цалкам пакінула беларускі рынак, перадаўшы свой магілёўскі мэблевы завод Mebelain аднаму з беларускіх кіраўнікоў прадпрыемства. Як паведаміла кампанія 9 мая, перадача адбылася ўскосным чынам, бо з-за палітычна-эканамічнай сітуацыі іншыя спосабы выхаду з Беларусі былі немагчымыя, піша Reform.news.
У SBA растлумачылі, што рашэнне пайсці з беларускага рынку было прынята яшчэ ў пачатку поўнамаштабнай вайны Расіі супраць Украіны — больш за тры гады таму. Тады кампанія спыніла масавую вытворчасць на заводзе ў Магілёве і пачала паступова згортваць сваю дзейнасць у краіне, якая падтрымлівае расійскую агрэсію.
Прадстаўнікі SBA адзначылі, што ў Беларусі былі ўведзеныя жорсткія абмежаванні на продаж актываў заходніх кампаній, што значна ўскладніла здзелку і адбіла жаданне ў многіх патэнцыйных пакупнікоў.
Завод Mebelain пачаў працу ў 2015 годзе, у яго было ўкладзена каля 47 мільёнаў еўра. Аднак пасля спынення дзейнасці ў 2022 годзе кампанія была вымушаная спісаць усе інвестыцыі як страты.
SBA з’яўляецца адной з найбуйнейшых прыватных прамысловых груп у Літве. У яе склад уваходзяць пяць мэблевых фабрык у краіне, кампанія SBA Home і лагістычны цэнтр Innovo logistika.
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях18
Каментары
А элект-прэзідэнт, седзячы ў вашай Летуве, тады элект-прэзідэнт якой краіны?