Прадстаўнікі краін Еўрасаюза пры Еўрапейскай радзе ўзгаднілі 17-ы пакет санкцый супраць Расіі, паведаміў журналіст Радыё Свабода Рыкард Ёзвяк.
Фота: AP
«Паслы ЕС толькі што далі зялёнае святло 17-му пакету санкцый па Расіі. Паралельна яны таксама ўхвалілі дадатковыя санкцыі за парушэнні правоў чалавека, гібрыднае ўмяшальніцтва па ўсім свеце і распаўсюджванне хімічнай зброі», — напісаў ён у сацсетцы X.
Чакаецца, што канчатковае зацвярджэнне санкцый адбудзецца 20 мая на пасяджэнні Рады ЕС па знешніх справах на ўзроўні міністраў замежных спраў.
Каментары