Зяленскі пракаментаваў запрашэнне Украіны ў Раду міру разам з Беларуссю і Расіяй
Украіна атрымала запрашэнне ў Раду міру ад прэзідэнта ЗША Дональда Трампа, дыпламаты працуюць над ім, пра гэта заявіў прэзідэнт Украіны Уладзімір Зяленскі, адказваючы на пытанні журналістаў.
«Запрашэнне мы атрымалі, дыпламаты працуюць над ім. Але Расія — наш вораг, Беларусь — іх саюзнік, складана ўявіць, як мы з РФ можам быць разам у той ці іншай радзе», — перадае РБК-Украіна словы Зяленскага.
Ён таксама заўважыў, што ў цэлым гэта не тычыцца канкрэтна гэтай рады, проста Расія — гэта пра раду вайны, і Беларусь зараз разам з ёю.
«Скажу вам адкрыта, нам трэба выжыць. Мы змагаемся за сваю незалежнасць, за сваю свабоду, за сваё існаванне. У гэтай барацьбе нам патрэбная любая дапамога», — дадаў ён.
15 студзеня Трамп абвясціў аб стварэнні Рады міру для кантролю над пасляваенным кіраваннем Газай. Членства ў арганізацыі разлічана на тры гады, аднак краіны, якія ўнясуць 1 млрд даляраў наяўнымі на працягу першага года, змогуць займаць свае месцы бестэрмінова.
Дональд Трамп накіраваў афіцыйныя запрашэнні лідарам краін свету адносна ўдзелу ў працы Рады міру па сектары Газа. Сярод іх — Расія, Беларусь, Кітай.
Прэзідэнт ЗША хоча, каб цырымонія падпісання адбылася ў Давосе ў чацвер, 22 студзеня, нягледзячы на заклікі некаторых з запрошаных перагледзець умовы працы камісіі.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну93
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары
Не Беларусь і Яе НАРОД разьвязалі гэтую вайну , а крывавая прамаскоу́ская хунта лукашэнкі .