У выніку расійскай атакі ў Абухоўскім раёне Кіеўскай вобласці загінула дзяўчына, трое чалавек атрымалі раненні, сярод іх — чатырохгадовае дзіця.
Дронам забітая жанчына 1997 года нараджэння, паведаміў кіраўнік Кіеўскай абласной ваеннай адміністрацыі Мікалай Калашнік.
«На жаль, у выніку варожай атакі ў Абухоўскім раёне ад атрыманых траўм загінула жанчына. Паранены мужчына 61 года, жанчына 59 гадоў і дзіця 4 гады. Яны дастаўлены ў бальніцу. Стан пацярпелых сярэдняй цяжкасці», — расказаў Калашнік.
У выніку ўдару пашкоджаны прыватны жылы дом, выбітыя вокны ў суседнім шматпавярховым будынку. Таксама ў Фастоўскім раёне ўзнік пажар на тэрыторыі камбікормавага завода.
Уначы сіламі проціпаветранай абароны Украіны было знішчана 88 з 273 расійскіх беспілотнікаў, што атакавалі тэрыторыю краіны. Паветраныя сілы паведамілі таксама пра запушчаныя 128 дроны-імітатары.
Гэта рэкордная колькасць дронаў, запушчаных за суткі па Украіне за ўвесь час вайны. Да гэтага самай масіраванай лічылася атака ў ноч на 23 лютага 2025 года — тады расійскія вайскоўцы выкарысталі 267 беспілотнікаў.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку3
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары