«Смурод такі, што немагчыма дыхаць». Дом у «Мінск-Свеце» тры дні залівала каналізацыяй
У жыхароў дома пад назвай «Тбілісі» на вуліцы Ніколы Тэслы, 10, выдаліся не вельмі вясёлыя выходныя: апошнія тры дні яны спрабавалі спыніць патоп на першым паверсе. Паводле іх слоў, каналізацыйная вада літаральна біла з падлогі. Яна імгненна заліла агульны калідор і пранікла ў кватэры, піша Onliner.by.
Падрабязнасцямі здарэння падзялілася гаспадыня адной з пацярпелых кватэр Алена:
— 30 мая прыкладна ў 13:30 ў агульным калідоры першага паверха з-пад пліткі і з шчылін у сценах пачала прасочвацца вада з каналізацыі. Спачатку зусім крыху. Потым яна пачала прыбываць і неўзабаве пранікла ў кватэры праз дзвярныя праёмы. Яшчэ пазней вада пачала вылівацца з унітазаў! Пры гэтым смурод быў такі, што немагчыма было дыхаць. Паўсюль стаяла сцёкавая каналізацыйная вада з усімі «прыгажосцямі».
Паводле слоў дзяўчыны, людзі адразу ж звярнуліся ў сэрвіс-арганізацыю «Мінск-Свету» — ТАА «Хэпі Планет».
— Работнікі прыехалі, прачысцілі трубу і з’ехалі. Мы паказвалі ім відэа, на якім відаць, што вада прасочваецца з падлогі праз швы пліткі. Кажам: трэба ўскрываць. Але яны гэтага не зрабілі.
Пасля сыходу спецыялістаў працёк спыніўся. Але літаральна праз тры гадзіны патоп вярнуўся ў яшчэ большым аб’ёме.
— Прыкладна а 21-й гадзіне ўсё зноў пачало заліваць. Сем чалавек бегалі з кватэры ў кватэру, вычэрпвалі каналізацыю. Рабілі гэта да 3 гадзін ночы. Таксама прыходзілі сантэхнікі, нешта прачысцілі. Зноў нічога не ўскрылі, хаця ўласнымі вачыма бачылі, як цячэ з-пад пліткі.
Наступным днём вада працягвала бясконца заліваць першы паверх. Аднак прадстаўнікі аварыйнай службы не бралі на сябе адказнасць рабіць нешта, акрамя базавых дзеянняў.
У першы дзень лета сітуацыя паўтарылася, а дакладней — працягнулася:
— А 9-й раніцы нас стала заліваць так, што папярэднія два дні здаліся кветачкамі. Мы ўжо ўскрылі падлогу самастойна, без дазволу. І аказалася, што пад пліткай — труба без заглушкі. Проста труба, якая з моманту пабудовы дома была адкрытая, і ўся каналізацыя, напэўна, ішла кудысьці ў фундамент.
— Акрамя таго, у гэтым месцы павінен быў знаходзіцца люк для рэвізіі, але замест гэтага трубу проста закрылі звычайнай пліткай, — адзначае Алена.
Onlíner звярнуўся ў «Хэпі Планет», але пакуль не атрымаў тлумачэння сітуацыі. Паводле інфармацыі Алены, прадстаўнік абслугоўваючай арганізацыі паабяцаў «закрыць дзірку і падабраць лючок у бліжэйшы час». А пакуль крыніцу праблем прыкрылі падручнымі сродкамі. І хоць працёк часова спыніўся, уласнікаў кватэр на першым паверсе хвалюе пытанне: як цяпер прывесці жыллё ў парадак пасля такой «водарнай» падзеі і хто будзе аплачваць рамонт?
Акрамя таго, іх цікавіць, чаму наогул труба аказалася адкрытай?
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1919
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс19
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары
1) Чакалі фантан неўці.
2) не плацілі субпадрадчыкам, усім дробным фірмама і ІП. Іх, гаротных, там збанкрутавала багата.