Сэрвіс «Куфар Падарожжы» мяняе правілы працы для тых, хто здае жыллё на суткі. Цяпер камісію з арэндадаўцаў будуць здымаць толькі тады, калі госць у памяшканне сапраўды пасяліўся, а пасля выехаў, піша Office Life.
Новая сістэма складаецца з двух частак. Першая — штомесячная абаненцкая плата: 5 рублёў для самазанятых і 20 рублёў для ІП і юрыдычных асоб. Памер не залежыць ад колькасці аб’яў у акаўнце. Другая частка — камісія 8%, якая будзе спісвацца праз суткі пасля выезду госця. Пры гэтым камісія дзейнічае толькі для новых браніраванняў, зробленых ужо ў межах абноўленых умоў.
Пераход адбудзецца паступова. Пасля заканчэння дзеяння старой дамовы арэндадаўца павінен будзе падпісаць новую — ужо з камісійнай мадэллю. Самазанятым неабходна мець на балансе не менш за 40 рублёў. Калі аб’яў некалькі, яны будуць пераводзіцца на новыя правілы адна за адной па меры заканчэння іх бягучага размяшчэння. Для ІП і юрасоб пры падпісанні новай дамовы спаганяецца 20 рублёў — гэта аплата за першы месяц. Далей плаціць трэба будзе кожны месяц да 15‑га чысла.
У «Куфры» падкрэсліваюць, што цяпер арэндадаўца плаціць толькі за рэальны вынік — калі госць сапраўды ў ягоным памяшканні жыў. Гэта павінна знізіць рызыкі і зрабіць платформу больш матываванай прыводзіць якасных кліентаў.
У кабінеце арэндадаўцы з’явіўся раздзел «Баланс» — там можна глядзець гісторыю аперацый, сачыць за станам рахунку і папаўняць яго карткай або праз АРІП. Пляцоўка будзе паведамляць, калі сродкаў становіцца мала. Плануецца і аўтапапаўненне.
Пры новай мадэлі нумар тэлефона госця адкрываецца арэндадаўцу толькі пасля таго, як ён пацвердзіць браніраванне. Да гэтага ўся перапіска ідзе праз убудаваны месенджар «Куфра». Перадаваць кантакты, геаданыя або спасылкі на іншыя месенджары нельга — дзеля бяспекі і празрыстасці.
Цэны на кватэры ў цэнтры Гродна растуць шалёнымі тэмпамі. І вось чаму
«Як звычайнаму чалавеку зняць сабе кватэру, калі там цэннік — 900, 1200?» У якім горадзе Беларусі арандаваць жыллё танней за ўсё
Расіяне размялі гатэлі ў Мінску на майскія, арэндныя кватэры сталі па лонданскіх цэнах. Калі ёсць свая — можаце добра зарабіць
«300 баксаў — за кватэру даваеннага часу?» Беларуска абурылася цэнамі на арэнду кватэр у Мінску
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары