Інфармацыя аб тым, што невялікі завод па вытворчасці сокаў адкрыўся ў «самым бедным раёне» Беларусі — Шаркаўшчынскім, нечакана выклікала спрэчку адносна таго, які раён самы ўбогі і дзе якія заробкі.
Лідарам па колькасці лайкаў (амаль 2000) стала з'едлівая заўвага:
«Ну ўсё. 20 чалавек уладкаваліся, зараз Шаркаўшчына збаўленая».
І большасць каментароў скептычная:
«У нас у краіне цікавая карусель — адзін завод пабудуюць. Тры закрыюць».
«За год закрыюць. Думаю, хутчэй».
«Сад у Шаркаўшчыне? Адкрываем схемы размяшчэння садоў у РБ і глядзім, дзе ж у РБ усе сады. І задаёмся пытаннем, а чаму сады да гэтага часу не асабліва пайшлі на Віцебшчыне? А нічога, што на Віцебшчыне часцей за ўсё пашкоджанні зваротнымі замаразкамі і пастаянныя неўраджаі садоў?
Гаспадар можа і ёсць, а вось агранома няма ці праекта сада няма ці ведаў няма. Гэта ж прафесія, гэтаму трэба вучыцца. Замовілі б праект і сотні тысяч долараў хаваць бы не трэба было».
Дзе самыя малыя заробкі ў Беларусі
Гледачы таксама цікавяцца, «дзе ў Беларусі сярэдні заробак дасягае 2000».
Некаторыя прыводзяць прыклады заробкаў у сваіх раёнах.
«У Горках. Магілёўская вобласць, ад 650 да 850 — вось гэта бедна».
«Самы бедны раён Беларусі — гэта БАБРУЙСК!!!!»
Але некаторыя даводзяць, што «ў Шаркаўшчыне заробак 800 ад сілы і тое знайсці трэба».
Аднак людзі не пагаджаюцца:
«Якая Шаркаўшчына? Вы ў Расонах былі?»
«Самы бедны раён у Беларусі — гэта Шумілінскі. Раю аўтару роліка прыехаць і паглядзець, як жывуць людзі тут і як давялі раён да галечы. Асабліва калгасы».
«У Драгічыне пацікаўцеся [заробкамі]».
«А Браслаў што, багаты?»
«У Баранавічах заробкі ніжэйшыя».
На думку некаторых, Віцебская вобласць горшая за Гомельскую. Асабліва калі казаць пра дарогі.
Некаторыя выказваюць незадаволенасць тым, што Віцебскую вобласць «наўмысна робяць самай беднай».
На гэта іншыя даводзяць, што гэта вынікае з афіцыйнай статыстыкі. А вінаватыя «цар і баяры, а баяр ставіць цар».
А што кажа афіцыйная статыстыка? Па словах кіраўніка Нацыянальнага статыстычнага камітэта Беларусі Іны Мядзведзевай, якія прыводзіць Minfin.by,
«Шаркаўшчынскі, Расонскі, Мёрскі, Брагінскі і Дрыбінскі — пяцёрка раёнаў з самай нізкай заработнай платай. Там сярэдняя зарплата не перавышае 2000 рублёў.
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам8
Каментары
[Рэд. — Дзякуй за заўвагу]
[Зрэдагавана]