Маладога выпускніка Акадэміі МУС асудзілі па рэдкім артыкуле — за «парушэнне аховы дзяржаўных сакрэтаў»
Імя Антона Табашнікава з'явілася ў спісе «экстрэмістаў». Яму магло пагражаць да трох гадоў калоніі.
Антону Табашнікаву 28 гадоў. Родам ён з Пінска. У 2014 паступіў у Акадэмію МУС. Табашнікаў вучыўся па спецыяльнасці «правазнаўства» на кафедры адміністратыўнай дзейнасці органаў унутраных спраў факультэта міліцыі.
У інтэрв'ю газеце «На страже» ён казаў, што ішоў у ВНУ мэтанакіравана, каб стаць ваенным юрыстам. Пры паступленні ён набраў больш за 300 балаў, вучыўся на дзявяткі, займаўся спортам, пісаў для міліцэйскіх газет і ўдзельнічаў у канферэнцыях. Антон казаў, што будзе праходзіць размеркаванне ў юрыдычным аддзяленні адной з вайсковых часцей.
Невядома, што было далей — хлопец зусім не вядзе сацсеткі. Але Табашнікаў паралельна, у 2022, скончыў Інстытут бізнэсу БДУ па спецыяльнасці «бізнэс-адміністраванне».
Апошні раз ён быў анлайн на сваёй пустой старонцы «Укантакце» 31 ліпеня 2024 года. У тэлеграме Антон не анлайн «вельмі даўно» — мінімум некалькі месяцаў.
Дата суда і сутнасць справы невядомыя, але абвінавачанне гучыць так — «парушэнне патрабаванняў па ахове дзяржаўных сакрэтаў» (артыкул 375-2 Крымінальнага кодэкса).
Напрыклад, па такім артыкуле могуць асудзіць, калі чалавек выехаў за мяжу, але не паведаміў пра гэта загадзя і «незаконна перамясціў» дзяржаўныя сакрэты, носьбітам якіх ён з'яўляецца, за мяжу.
Паколькі па артыкуле не так шмат судовай практыкі і мала канкрэтыкі, цяжка сказаць, што менавіта зрабіў Табашнікаў. Мяркуючы па статусе «адбывае пакаранне» і поўнай неактыўнасці ў сацсетках, ён атрымаў пакаранне, звязанае з пазбаўленнем волі.
«Наша Нiва» — бастыён беларушчыны
ПАДТРЫМАЦЬЦяпер чытаюць
Калеснікава: Лукашэнка можа пайсці на спыненне рэпрэсій дзеля будучыні і «з нейкай мудрасці»32
Каментары
он учился на военного юриста на факультете милиции милицейской академии.