Доля Netflix у рэйтынгу найпапулярнейшых серыялаў знізілася з больш за 80 % у 2021 годзе да 50 %
Netflix трымае лідарства сярод стрымінгавых сэрвісаў, у першай палове 2025 года найпапулярнейшым арыгінальным серыялам стаў «Гульня ў кальмара» (Squid Game). Тым не менш агульная частка кампаніі ў топе праглядаў зніжаецца — з больш за 80 % у 2021 годзе да менш чым 50 % зараз, піша Bloomberg.
Па даных Nielsen, у дзясятку найпапулярнейшых шоу таксама ўвайшлі праекты Amazon і Apple.
Такія серыялы як «Рычэр», «Джэк Райян», «Хлопцы» і «Валадар пярсцёнкаў: Пярсцёнкі ўлады» замацавалі за Amazon рэпутацыю платформы для аматараў баевікоў і фэнтэзі. HBO таксама меў хіты «Апошнія з нас», «Белы лотас» і «Бальніца Піт», але Nielsen улічылі іх як «набытыя», а не арыгінальныя.
Тым часам папулярнасць набіраюць бясплатныя сэрвісы з рэкламай. YouTube, Roku Channel і Tubi павялічваюць сваю долю праглядаў, у той час як у Netflix і Disney+ яна застаецца стабільнай. YouTube цяпер займае 12,5 % усіх праглядаў тэлебачання ў ЗША — больш, чым Disney+, HBO Max, Peacock і Paramount+ разам.
Peacock і Disney+ не маюць ніводнага шоу ў топе Nielsen, а Hulu, як і раней, застаецца асноўнай платформай для прагляду паўтораў, у прыватнасці «Анатоміі Грэй».
У дзіцячым сегменце найпапулярнейшым шоу застаецца «Блуі», аднак канкурэнцыю складае «Міс Рэйчэл», якая стартанула на YouTube, а цяпер з'явілася і на Netflix.
Цяпер чытаюць
Лябедзька пра сына-палітвязня: Гэта не бравада, я гатовы абмяняць сябе на яго8
Каментары