На Палессі пабачылі дзіўную метэаралагічную з'яву — навальнічны каўнер
Гэту з'яву зафіксавалі над Пінскам, паведамляе тэлеграм-канал Nadvorie.
Навальнічны, або шквальны каўнер — агульная назва разнавіднасцяў кучава-дажджавых аблокаў.
Ёсць розныя віды навальнічнага каўняра ці аблокаў — шматпавярховыя, выгнутыя, плоскія і вальныя аблокі. Утвараюцца з-за таго, што ў навальнічным фронце халоднае паветра, у той час як па-за межамі фронту, наадварот, цёплае. Пасля сутыкнення гэтых двух патокаў цёплае паветра падымаецца ўверх, а халоднае — уніз, у выніку чаго хмарай і набывае адпаведны выгляд.
Вальныя аблокі атрымалі сваю назву з-за таго, што падобныя на доўгі вал. Гэты тып аблокаў часцей за ўсё фарміруецца на мяжы атмасферных франтоў, заўсёды на пярэднім краі навальніцы. Такія аблокі ўтвараюцца на вышыні 100—2000 метраў.
Учора праз Беларусь чарговы раз пракаціліся навальніцы.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?7
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары
Не тое каб вельмі дзіўная з'ява, бывае даволі часта.
Па назве ў беларускай мове, на мой погляд, лепш падыходзіць "шквальны", а не "навальнічны". Навальніцы бываюць розныя, не толькі такія, а гэтае воблака-"каўнер" - толькі на лініі шквалу (squall line).