Дзяўчына адбыла прысуджаны ёй год зняволення.
Выйшла на свабоду мадэль, актрыса і былая сцюардэса Вераніка Жалубоўская. Дзяўчына апублікавала фота з Філіпін, паведамляе тэлеграм-канал «Свяшчэнны Белавуд». Магчыма, гэта стары здымак.
Вераніка родам з Мінска. Скончыла мінскі ліцэй №1, а пасля адвучылася ў Мінскім дзяржаўным Лінгвістычным універсітэце, які скончыла ў 2017 годзе. Мяркуючы па анкеце, адначасова вучылася ў Беларускай дзяржаўнай акадэміі мастацтваў.
Пасля сканчэння МДЛУ Вераніка адпрацавала тры гады сцюардэсай у Катарскіх авіялініях. Яшчэ адно захапленне Веранікі — мадэлінг і акцёрства. Яна знялася ў эпізадычных ролях у чатырох фільмах пад псеўданімам Вераніка Бруснікіна і супрацоўнічала з мноствам мадэльных агенцтваў.
Апошняе фота ў сацсеткі дзяўчына выклала 18 лістапада 2024 года з Турцыі. Пасля гэтага яна паехала ў Беларусь — імаверна, тады яе і затрымалі.
Вераніку асудзілі па «народным» артыкуле 342 Крымінальнага кодэкса — дзяўчыне прызначылі год пазбаўлення волі ў калоніі ва ўмовах агульнага рэжыму. Яна адбыла тэрмін цалкам.
«Did u miss me? Im back to life! — Сумавалі? Я вярнулася», — напісала беларуска ў сацсетках.
«Наша Нiва» — бастыён беларушчыны
ПАДТРЫМАЦЬ-
Міліцыя выклала сваю версію, чаму хлопец, які зрабіў заўвагу турысту за недакурак у цэнтры Мінска, правёў ноч у аддзяленні
-
Выйшла калектыўная манаграфія пра сучасную Беларусь на англійскай мове
-
«Як ацалець у няштатнай сітуацыі». 24 верасня ў Беларусі пройдзе агульнанацыянальны дзень інфармавання пра бяспеку
Каментары