Як выглядае вызвалены экс-мэр Херсона да расійскага палону і пасля ФОТАФАКТ
Сярод вернутых 24 жніўня у выніку абмену палоннымі паміж Украінай і Расіяй аказаўся і 65-гадовы былы мэр Херсона Уладзімір Мікалаенка. Як і заўсёды ў такіх выпадках, розніца паміж выглядам «да» і «пасля» ўражвае.
Уладзіміра Мікалаенку выкралі ў красавіку 2022 года, калі расійская армія амаль бесперашкодна ўвайшла ў горад.
«Я акрамя бетону і кратаў нічога не бачыў, сёння мой другі дзень нараджэння», — сказаў Мікалаенка, апынуўшыся на волі. Ён павіншаваў украінцаў з Днём незалежнасці, які адзначаецца сёння.
З вядомых асоб, якія вярнуліся ва Украіну сёння, можна таксама згадаць журналіста агенцтва УНІАН Дзмітрыя Хілюка, выкрадзенага ў сакавіку 2022 года ў Кіеўскай вобласці.
Таксама на волі яшчэ адзін журналіст, Марк Каліуш з Мелітопаля, а таксама медык Сяргей Кавалёў з батальёна «Гаспітальеры», які ратаваў жыцці падчас аблогі «Азоўсталі».
Паводле слоў прэзідэнта Украіны Уладзіміра Зяленскага, большасць вызваленых у выніку сённяшнага абмену знаходзіліся ў палоне з 2022 года. Усяго сёння абмянялі 146 украінскіх палонных на 146 расійскіх. Абмен, як і звычайна, вёўся праз тэрыторыю Беларусі.
Цяпер чытаюць
Анатоль Котаў ужо выязджаў у Турцыю і лічыў яе бяспечнай — крыніцы2
Каментары
Ты сваю с...ку з Польшчы адарвеш і паедзеш на фронт? Ці ты як тыя украінцы, што "ваююць" на канцэртах Каржа?
Беларусі не пашанцавала мець агульную мяжу з Расеяй - гэта дадзенасць, народ Беларусі існуе ў яе інфармацыйнай прасторы - гэта дадзенасць, беларуская дзяржава залежная ад Расеі - гэта дадзенасць. І тое, што беларусы не жадаюць жыць з расіянамі ў адной дзяржаве - таксама дадзенасць.
Калі вы ўжо вылязеце з краіны ружовых поні і пачнеце думаць практычна, "змагары"?