«Умовы не становяцца лепшымі». Залужны адказаў, чым скончыцца вайна ва Украіне
Валерый Залужны кажа, што Крэмль проста не бачыць для сябе магчымасці скончыць вайну чымсьці іншым, акрамя капітуляцыі Украіны.
Найбольш імаверным сцэнаром заканчэння расійска-украінскай вайны будзе яе замарожванне на некалькі гадоў, якія бакі скарыстаюць для падрыхтоўкі да новага раўнда ваеннага супрацьстаяння. Пра гэта піша былы галоўнакамандуючы УСУ, пасол Украіны ў Вялікабрытаніі Валерый Залужны.
Ён звярнуў увагу на тое, што кожны раз умовы не становяцца лепшыя для Украіны, і фактычна падтрымаў ідэю заключэння міру без «поўнай перамогі» над Расіяй.
«Фарміруючы палітычную мэту вайны, важна памятаць, што вайна не заўсёды завяршаецца перамогай аднаго боку і паражэннем другога. Так было ў Другой сусветнай, але гэта рэдкае выключэнне, бо так амаль ніколі не бывала ў чалавечай гісторыі. Пераважная большасць войнаў завяршаецца або ўзаемным паражэннем, або кожны ўпэўнены, што перамог, або іншыя варыянты.
Такім чынам, калі мы вядзём размову пра перамогу, трэба шчыра сказаць так: перамога — гэта распад Расійскай Імперыі, а параза — поўная акупацыя Украіны праз яе распад. Усё астатняе — проста працяг вайны», — напісаў ён.
Украінцы, піша ён, вядома, імкнуцца да поўнай перамогі — распаду Расійскай Імперыі. Але не могуць і адпрэчваць варыянт доўгатэрміновага (на гады) спынення вайны, якім краіна можа скарыстацца.
«Бо менавіта гэта надта распаўсюджаны ў гісторыі войнаў спосаб іх завяршэння. Разам з тым мір, нават у чаканні наступнай вайны, дае шанец на палітычныя змены, на глыбокія рэформы, на паўнавартаснае аднаўленне, эканамічны рост, вяртанне грамадзян, — піша ён. — Можна нават весці размову пра пачатак фарміравання бяспечнай, максімальна абароненай дзяржавы дзякуючы інавацыям і тэхналогіям. Фарміраванне і ўмацаванне асноў справядлівай дзяржавы праз барацьбу з карупцыяй і стварэнне справядлівага суда. Эканамічнае развіццё краіны, у прыватнасці, на аснове міжнародных эканамічных праграм аднаўлення краіны».
Цяпер чытаюць
Памятаеце мінчука, які ў 2017‑м выратаваў сцяг з-пад ног амапаўцаў — коштам сваёй свабоды? Цяпер яму, былому палітвязню, трэба дапамога6
Памятаеце мінчука, які ў 2017‑м выратаваў сцяг з-пад ног амапаўцаў — коштам сваёй свабоды? Цяпер яму, былому палітвязню, трэба дапамога
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5050
Каментары
ў Другой сусветнай перамаглі, бо дайшлі да Берліна і разбурылі яго і Рэйхстаг, а Гітлер пакончыў з сабой.
Украіне жа ніхто з заходніх краін не збіраецца дапамагаць у тым, каб дайсці да Масквы, разбурыць яе і Крэмль.
Есть вообще в Украине люди которые не вороют и не хотят распада РФ? И может они не вкурсе про ядерное оружие в РФ?
Или хотя бы не говорят это публично.
Что теперь РФ должна отаетить на эти слова?