У Віцебскай вобласці пад палітычны пераслед трапілі як мінімум шэсць удзельнікаў вайны ў Афганістане
Кагосьці асудзілі па адміністрацыйных артыкулах за «распаўсюд экстрэмізму ў інтэрнэце», а іншых па крымінальных — за абразу Аляксандра Лукашэнкі, «садзейнічанне экстрэмісцкай дзейнасці» і ўдзел у пратэстах 2020 года, піша «Віцебская вясна».
Па адміністрацыйным артыкуле 19.11 КаАП былі асуджаныя Юрый Каравацкі з Паставаў, Чэслаў Шавардак з Докшыцкага раёна, віцяблянін Генадзь Анікееў.
57-гадовага жыхара Лёзненшчыны Уладзіміра Лісіцу ў пачатау 2024 года асудзілі за абразу Лукашэнкі і прадстаўнікоў улады. Ён працаваў вартаўнікомі і быў затрыманы за тое, што пакінуў у «Аднакласніках» каментары, кваліфікаваны як абраза прадстаўнікоў улады (арт. 369 Крымінальнага кодэкса). Яго старонка ў гэтай сацыяльнай сетцы прызнана «экстрэмісцкай». Паводле судовага прысуду Лісіца мае адбыць тры гады ў папраўчай калоніі ва ўмовах агульнага рэжыму, а таксама сплаціць 7 400 рублёў штрафу і кампенсацыю маральнай шкоды двум пазоўнікам — генеральнаму пракурору Андрэю Шведу і дэпутату Наваполацкага гарадскога Савета дэпутатаў Ігару Мядзведскаму — па 3 000 рублёў кожнаму.
58-гатовы Сцяпан Рогацень з вёскі Запруддзе Глыбоцкага раёна быў затрыманы падчас леташняга міліцэйскага хапуна ў райцэнтры. Тады — праз тры гады пасля падзей 2020 года — дзесяткі глыбачан былі затрыманы за ўдзел у пратэстным маршы. Былы «афганец» асуджаны на некалькі гадоў «хатняй хіміі» і абвешчаны «экстрэмістам».
У «экстрэмісцкі» пералік на сайце МУС нядаўна ўключаны і 56-гадовы віцяблянін Андрэй Матусенка, раней узнагароджаны медалём «За баявыя заслугі». Цяпер ён адбывае тэрмін зняволення: па рашэнні Віцебскага абласнога суда ён прызнаны вінаватым у садзейнічанні экстрэмісцкай дзейнасці (часткі 1 і 2 арт. 361-4 ККРБ).
Магчыма, у суды трапілі і іншыя былыя «афганцы», але расклады судовых працэсаў і сутнасць разбіральніцтваў цяпер засакрэчаныя.
Цяпер чытаюць
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам25
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары