На «Белсат» вяртаецца Сцяпан Пуціла. А ранішняе шоу будзе весці Святлана Зелянкоўская
Тэлеканал «Белсат» анансаваў, што з новых перадач у іх з'явіцца.
У восеньскім сезоне на тэлеканале будзе чатыры новыя праграмы.
Новая праграма з Пуцілам
На «Белсат» вяртаецца Сцяпан Пуціла, вядомы па праекце Nexta. Ён будзе весці аўтарскую праграму «ПраБел». Nexta на «Белсаце», дзе будзе з іроніяй расказваць навіны.
Праграма пра здароўе з Белавешкіным
«Без рэцэпту з доктарам Белавешкіным» — гэтая новая праграма будзе развенчваць міфы пра здароўе і даваць карысныя ды практычныя парады, як падтрымаць сябе ў добрай ментальнай і фізічнай форме. Весці праграму будуць кандыдат медычных навук Андрэй Белавешкін і трэнерка Надзея Дамкоўская.
«Тут і там» з Алесем Залеўскім і Змітром Міцкевічам
У праграме «Тут і там» будуць абмяркоўваць бягучыя падзеі. Што думаюць, ад чаго пакутуюць і як збіраюцца змагацца з канкрэтнымі праблемамі беларусы, украінцы, расейцы, палякі, літоўцы? Як нам паразумецца адно з адным? Як пабудаваць масты паміж краінамі? Пра гэта будуць гаварыць у праграме «Тут і там».
Перадача з польскімі экспертамі па-польску
У аўтарскай праграме «Эбэргарт і Кацэвіч на Усходзе» польскі палітолаг Адам Эбэргарт і рэдактар польскай рэдакцыі «Белсату» Міхал Кацэвіч абмяркуюць самыя вострыя справы, якія датычаць дзяржаваў на ўсход ад Польшчы — найперш Беларусі, Украіны і Расіі.
Праграма будзе весціся па-польску з перакладам на беларускую мову.
Новыя вядоўцы
У ранішнім шоу «Раніца з «Белсатам» з’явіцца новая пара вядоўцаў: Святлана Зелянкоўская і Алег Ціткоў. Яны далучацца да ранейшых вядоўцаў — Аліны Коўшык і Анатоля Шырвеля, а таксама Кацярыны Раецкай і Дзяніса Дудзінскага.
Што яшчэ
Адбудуцца змены ў праграме «Вусы Скарыны». Яе пераймянуюць у «Вусы сармата». А замест коцікаў праграму разам з гісторыкам Цімохам Акудовічам будзе весці нехта іншы (пакуль не раскрываецца).
Сілавікі расказалі, як гродзенскія блогеры трацілі мільён, сабраны нібыта на лячэнне дзіцяці5
Каментары