Латвія пакуль не бачыць неабходнасці ў поўным закрыцці межаў з Беларуссю і Расіяй. Пра гэта паведаміла прэс-служба Сейма Латвіі пасля пасяджэння Камітэта па нацыянальнай бяспецы.
15 верасня камітэт разглядаў праект рашэння аб поўным закрыцці межаў з Расіяй і Беларуссю ў сувязі з вайсковымі вучэннямі «Захад-2025». Па выніках абмеркавання было вырашана не перадаваць праект на далейшы разгляд у Сейм.
У камітэце адзначылі, што адпаведныя службы гатовыя да неадкладных дзеянняў, калі ўзнікне неабходнасць. Аднак з улікам сучаснага ўзроўню ваеннай пагрозы поўнае і імгненнае закрыццё мяжы цяпер лічыцца непатрэбным.
Акрамя таго, камітэт падкрэсліў, што дзеянні Латвіі ў пытаннях бяспекі ўсходняй мяжы павінны быць рашучымі і каардынавацца з найбліжэйшымі саюзнікамі — Літвой і Эстоніяй.
«З раніцы наш аўтобус быў дзясятым у чарзе». Што адбывацца на беларуска-латвійскай мяжы
Што з выездам з Беларусі пасля закрыцця польскай мяжы?
«Абсурдна на фоне адмены санкцый з боку ЗША». МЗС Беларусі абурыўся, што Польшча і Латвія закрылі неба на мяжы
Латвія можа цалкам закрыць мяжу з Расіяй і Беларуссю
«Рэтранслятары выключыць, зняць і паказаць нам, што яны знятыя». Зяленскі патлумачыў, чаму паставіў ультыматум і што мае зрабіць Мінск27
Каментары