Культура3232

Актрыса Настасся Шпакоўская ставіць спектакль. Гледачы папрасілі патлумачыць, чаму на рускай мове

Спявачка і актрыса Настасся Шпакоўская пасля спынення існавання гурта Naka спрабуе сябе ў новай ролі — тэатральнай рэжысёркі. У камандзе з купалаўцам Змітром Есяневічам і акцёрам Свабоднага тэатра, музыкам «Разбітага сэрца пацана» Паўлам Гарадніцкім яна паставіла абсурдную трагікамедыю «Эмігранты».

Аснова спектакля — п’еса польскага пісьменніка і драматурга Славаміра Мрожака. 

«З маім 16‑гадовым тэатральным досведам я разумела, што ўжо гатовая да рэжысёрскіх задач. Мае віленскія спектаклі і супрацоўніцтва з віленскімі рэжысёрамі яшчэ больш падштурхнулі ў гэты накірунак. Я шукала для сябе п’есу, з якой мне было б цікава папрацаваць, і Дзіма Есяневіч прапанаваў мне «Эмігрантаў». Гэты матэрыял вельмі актуальны, ён пра нас, наша сённяшняе жыццё, таму я за яго ўзялася», — расказала «Нашай Ніве» Настасся Шпакоўская.

Афіша спектакля «Эмігранты». На фота — акцёры Павел Гарадніцкі і Зміцер Есяневіч

У пастаноўцы разам з гледачамі артысты будуць рэфлексаваць на тэму таго, што адбываецца з намі, калі мы адарваныя ад дома. Кім мы робімся? Як выжываем? Як мяняемся ў гэтым новым і непрадказальным свеце?

Прэм’еру «Эмігрантаў» найперш пакажуць 25 кастрычніка ў Варшаве і 14 лістапада ў Вільні.

Настасся Шпакоўская і Павел Гарадніцкі ў студыі «Белсата»

Некаторыя гледачы заўважылі, што асноўная мова спектакля — руская (дадаткова будуць польскія субтытры), што выклікала пытанні. На думку рэжысёркі, такім чынам яны змогуць дагрукацца да большай колькасці людзей.

«Я так у сябе ў галаве склала, што спектакль пра эмігрантаў, для эмігрантаў, ад эмігрантаў, у эміграцыі. І хацелася, каб на наш спектакль прыйшлі не толькі беларусы, а ўкраінцы, расейцы… Людзі, якія вымушаныя былі з'ехаць яшчэ ў савецкія часы. Карацей, мне захацелася звярнуцца да больш шырокай аўдыторыі», — патлумачыла Настасся Шпакоўская.

Каментары32

  • Вадзім
    06.10.2025
    О як...
    Старая песьня пра галоўнае.
    Беларуская мова - што зь яе ўзяць, ніхто яе не разумее, трэба па руску...
    Галоўнае ж, каб паны пачулі. Ці разумныя людзі. Ці яшчэ хто.
  • Скажы Ў
    06.10.2025
    Ніхто так не цягне расейшчыну ў Літву і Польшчу як беларусы і немалая частка русіфікаваных украінцаў.

    І факт, што нават натуральна моўна беларускія СМІ і дзеячы перасталі звяртаць увагу не невероятную расейскасць сярод новай апазіцыі і шматлікіх мігрантаў, таксама дапамагае ўмацаванню расейшчыны сярод беларусаў нават за мяжой.
  • Нацыянал-пафігізм
    06.10.2025
    Вадзім, у хатаскрайнікаў комплекс непаўнавартасьці.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Ва Украіне 14‑гадовая школьніца нарадзіла ад 60‑гадовага мужчыны. Яна кажа, што ён добры бацька, і прасіла не караць яго28

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць