Aktrysa Nastaśsia Špakoŭskaja stavić śpiektakl. Hledačy paprasili patłumačyć, čamu na ruskaj movie
Śpiavačka i aktrysa Nastaśsia Špakoŭskaja paśla spynieńnia isnavańnia hurta Naka sprabuje siabie ŭ novaj roli — teatralnaj režysiorki. U kamandzie z kupałaŭcam Źmitrom Jesianievičam i akcioram Svabodnaha teatra, muzykam «Raźbitaha serca pacana» Paŭłam Haradnickim jana pastaviła absurdnuju trahikamiedyju «Emihranty».
Asnova śpiektakla — pjesa polskaha piśmieńnika i dramaturha Słavamira Mrožaka.
«Z maim 16‑hadovym teatralnym dośviedam ja razumieła, što ŭžo hatovaja da režysiorskich zadač. Maje vilenskija śpiektakli i supracoŭnictva ź vilenskimi režysiorami jašče bolš padšturchnuli ŭ hety nakirunak. Ja šukała dla siabie pjesu, ź jakoj mnie było b cikava papracavać, i Dzima Jesianievič prapanavaŭ mnie «Emihrantaŭ». Hety materyjał vielmi aktualny, jon pra nas, naša siońniašniaje žyćcio, tamu ja za jaho ŭziałasia», — raskazała «Našaj Nivie» Nastaśsia Špakoŭskaja.
U pastanoŭcy razam z hledačami artysty buduć refleksavać na temu taho, što adbyvajecca z nami, kali my adarvanyja ad doma. Kim my robimsia? Jak vyžyvajem? Jak mianiajemsia ŭ hetym novym i niepradkazalnym śviecie?
Premjeru «Emihrantaŭ» najpierš pakažuć 25 kastryčnika ŭ Varšavie i 14 listapada ŭ Vilni.
Niekatoryja hledačy zaŭvažyli, što asnoŭnaja mova śpiektakla — ruskaja (dadatkova buduć polskija subtytry), što vyklikała pytańni. Na dumku režysiorki, takim čynam jany zmohuć dahrukacca da bolšaj kolkaści ludziej.
«Ja tak u siabie ŭ hałavie skłała, što śpiektakl pra emihrantaŭ, dla emihrantaŭ, ad emihrantaŭ, u emihracyi. I chaciełasia, kab na naš śpiektakl pryjšli nie tolki biełarusy, a ŭkraincy, rasiejcy… Ludzi, jakija vymušanyja byli źjechać jašče ŭ savieckija časy. Karaciej, mnie zachaciełasia źviarnucca da bolš šyrokaj aŭdytoryi», — patłumačyła Nastaśsia Špakoŭskaja.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR4
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary
Staraja pieśnia pra hałoŭnaje.
Biełaruskaja mova - što ź jaje ŭziać, nichto jaje nie razumieje, treba pa rusku...
Hałoŭnaje ž, kab pany pačuli. Ci razumnyja ludzi. Ci jašče chto.
I fakt, što navat naturalna moŭna biełaruskija ŚMI i dziejačy pierastali źviartać uvahu nie nievierojatnuju rasiejskaść siarod novaj apazicyi i šmatlikich mihrantaŭ, taksama dapamahaje ŭmacavańniu rasiejščyny siarod biełarusaŭ navat za miažoj.