Беларуска з сынам у Францыі засталася без дазволу на жыхарства. Яна просіць падтрымкі, каб не апынуцца на вуліцы
Беларуска з дзіцем пераехала ў Францыю 8 гадоў таму і пасля няўдалага шлюбу стала закладніцай бюракратычнай сістэмы праз цяжкасці з працэсам легалізацыі.
Каб не апынуцца на вуліцы, жанчына просіць падтрымкі і адкрыла збор на «Байсол».
«Мяне завуць Жанна Кліменка, мне 53 гады. Я восем гадоў жыву ў Францыі, у Страсбургу. Пераехала з сынам у студзені 2018-га. На жаль, шлюб не склаўся: праз два гады прыйшлося развесціся і паднімаць дзіця адной. З тых часоў маё жыццё — гэта пастаянныя спробы выбрацца з бюракратычнай дрыгвы і застацца на законным становішчы», — піша жанчына.
«У 2020 годзе я адкрыта выступіла супраць гвалту ў Беларусі: выходзіла на мітынгі ў Страсбургу разам з сынам, з лютага 2022‑га рэгулярна ўдзельнічаю ў акцыях у падтрымку Украіны. Актыўна вяду блогі ў сацыяльных сетках, дзе распавядаю пра пратэсты і фальсіфікацыі ў Беларусі і падтрымку Украіны. Падтрымліваю беларускіх добраахвотнікаў з палка ім. Кастуся Каліноўскага. Вяртанне ў Беларусь для мяне і сына выключана: за пазіцыю і публічныя выказванні я баюся пераследу.
Тры гады таму прэфектура не працягнула мне дазвол на жыхарства. З 2022 года я без статусу і права на працу. Беларускі пашпарт скончыўся яшчэ ў снежні 2024-га. Нядаўна я атрымала загад пакінуць тэрыторыю Францыі на працягу 30 дзён. З дапамогай адваката падала апеляцыю і дамагаюся перагляду рашэння, прашу ўлічыць рызыку пераследу ў выпадку вяртання ў Беларусь.
Мы жывём у кватэры, прадстаўленай дзяржавай яшчэ ў той час, калі ў мяне былі дакументы. Праз адсутнасць даходу назапасіўся вялікі доўг па арэндзе: ёсць судовае рашэнне аб высяленні, фактычна мы чакаем прымусовага вызвалення жылля.
Дапамога, якую атрымоўваецца знайсці, не пакрывае базавыя запатрабаванні. Прадуктовага кошыка на сям'ю хапае на тры-чатыры дні, астатні час мы эканомім на ўсім.
Цяпер нас двое: я і непаўналетні сын (17 гадоў), ён канчае мясцовы ліцэй. Сваякоў у Францыі няма, прытуліць нас няма каму. Любая праца для мяне сёння недаступная па законе: без дзейных дакументаў я не магу легальна працаўладкавацца, а нелегальная занятасць у Францыі забароненая.
Прашу ўсіх аб тэрміновай падтрымцы, каб не апынуцца на вуліцы і мець мінімум сродкаў на ежу, сувязь і рахункі, пакуль мы абскарджваем рашэнне прэфектуры і дамагаемся легалізацыі. Дзякуй кожнаму, хто адгукнецца. Любая дапамога дасць нам шанец перажыць гэты перыяд і легальна застацца ў бяспецы», — піша Жанна Кліменка.
Сума збору — €3000
- €1800 — арэнда жылля на 3 месяцы
- €600 — доўг па рахунках і мабільная сувязь
- €300 — іншыя тэрміновыя даўгі
- €300 — прадукты харчавання
Каментары
Жилье недорогое дали,
платить не хочу .
Работать было не охота.
Статус поменять было лень.
Пацан вполне уже на подработку готов тоже.
И тд и тп
Но, денех дайте,потому что я политически активна )
Кстати,не факт, что эти блоги и акции вообще попали в поле внимания белорусских властей, пока она не открыла сбор: сомневаюсь, что белорусские власти в каждый европейский город шлют агентов, фиксирующих участников акций, как это бывает в Варшаве и Вильнюсе. То же касается ее блога, в котором, скорее всего, полтора человека подписчиков и потому неинтересно для КГБ.
шта?