Часцей за ўсё беларусы ва ўстановах грамадскага харчавання набываюць шаўрму, піцу і бургеры. Такія даныя публікуе Belretail.by.
Даныя заснаваныя на выніках даследавання пра трэнды і перспектывы развіцця сегмента грамадскага харчавання і HoReCa ў Беларусі. У апытанні ўдзельнічалі 1 тысяча жыхароў гарадоў ва ўзросце 18—64 гадоў.
Лідарам у краіне аказалася шаўрма — на яе карысць выказаліся 60% апытаных. У той жа час за піцу прагаласавалі 59%. Замыкаюць тройку папулярнага фастфуду бургеры — 27%.
Курыныя стравы, напрыклад, нагетсы або стрыпсы, набралі 17%, а хот-догі — 16%. За салаты выказаліся 13% тых, хто галасаваў.
Цікава, што жыхары рэгіёнаў больш аддаюць перавагу шаўрме, а мінчукі — піцы. Так, у рэгіёнах за шаўрму прагаласавалі 63% удзельнікаў апытання, а ў Мінску толькі 52%. У той жа час 61% мінчукоў аддалі галасы за піцу, а ў рэгіёнах яе аддаюць перавагу толькі 58% апытаных.
Дарэчы, бургеры таксама ахвотней набываюць у сталіцы — 34% супраць 24% у рэгіёнах. Перамаглі ў Мінску і курыныя стравы — 21% супраць 16%, а таксама салаты — 17% супраць 12%.
Пры гэтым хот-догі, наадварот, больш папулярныя ў рэгіёнах — 18% супраць 10% у сталіцы.
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна6
Каментары