Čaściej za ŭsio biełarusy va ŭstanovach hramadskaha charčavańnia nabyvajuć šaŭrmu, picu i burhiery. Takija danyja publikuje Belretail.by.
Danyja zasnavanyja na vynikach daśledavańnia pra trendy i pierśpiektyvy raźvićcia siehmienta hramadskaha charčavańnia i HoReCa ŭ Biełarusi. U apytańni ŭdzielničali 1 tysiača žycharoŭ haradoŭ va ŭzroście 18—64 hadoŭ.
Lidaram u krainie akazałasia šaŭrma — na jaje karyść vykazalisia 60% apytanych. U toj ža čas za picu prahałasavali 59%. Zamykajuć trojku papularnaha fastfudu burhiery — 27%.
Kurynyja stravy, naprykład, nahietsy abo strypsy, nabrali 17%, a chot-dohi — 16%. Za sałaty vykazalisia 13% tych, chto hałasavaŭ.
Cikava, što žychary rehijonaŭ bolš addajuć pieravahu šaŭrmie, a minčuki — picy. Tak, u rehijonach za šaŭrmu prahałasavali 63% udzielnikaŭ apytańnia, a ŭ Minsku tolki 52%. U toj ža čas 61% minčukoŭ addali hałasy za picu, a ŭ rehijonach jaje addajuć pieravahu tolki 58% apytanych.
Darečy, burhiery taksama achvotniej nabyvajuć u stalicy — 34% suprać 24% u rehijonach. Pieramahli ŭ Minsku i kurynyja stravy — 21% suprać 16%, a taksama sałaty — 17% suprać 12%.
Pry hetym chot-dohi, naadvarot, bolš papularnyja ŭ rehijonach — 18% suprać 10% u stalicy.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»25
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary