Рэктар Беларускага дзяржаўнага медыцынскага ўніверсітэта, прафесар Сяргей Рубніковіч падчас міжнароднага форуму стаматолагаў у Мінску расказаў пра сучасныя напрамкі развіцця айчыннай стаматалогіі і выкарыстанне новых тэхналогій, піша БелТА.
Сяргей Рубніковіч адзначыў, што ў Беларусі актыўна ўкараняюцца 3D-тэхналогіі і штучны інтэлект. У прыватнасці, распрацоўваецца лічбавая праграма «памочнік доктара-стаматолага», якая з дапамогай ШІ будзе дапамагаць у дыягностыцы захворванняў зубоў і дзяснаў на аснове камп’ютарнай тамаграфіі і клінічных даных. Праграма дапаможа своечасова выяўляць схаваныя паталогіі, такія як карыес, парадантыт ці перадпухлінныя працэсы, якія не заўсёды бачныя пры звычайным аглядзе.
Рубніковіч падкрэсліў, што штучны інтэлект не заменіць доктара, а будзе толькі інструментам, які палягчае аналіз медыцынскіх даных і дазваляе выбраць аптымальную стратэгію лячэння паводле нацыянальных клінічных пратаколаў.
Асобная ўвага надаецца і рэгенератыўнай медыцыне. Сумесна з Акадэміяй навук распрацоўваюцца тэхналогіі біятрансплантатаў для лячэння захворванняў парадонта і аднаўлення касцяной тканкі. У некаторых выпадках удаецца праводзіць органазахавальныя аперацыі, калі зуб можна пакінуць на месцы.
Каментуючы тэму «вырошчвання зубоў», рэктар адзначыў, што пакуль у сусветнай практыцы гэтага дасягнуць не ўдалося, але даследаванні ў галіне стварэння зубных тканак працягваюцца, і ў будучыні гэта можа стаць рэальнасцю.
Жанчына з Рыгі расказала, як ездзіла ў Беларусь рабіць зубы
Блогер здзівіўся прыбіральні ў навагрудскай стаматалогіі ВІДЭА
Дадаў цыянід у пратэінавы напой. Стаматолаг атруціў жонку, а затым спрабаваў забіць следчага
«4:30, я сёмая ў чарзе». У Мазыры людзі прыходзяць за некалькі гадзін да адкрыцця паліклінікі, каб трапіць да траўматолага
Каментары