Адміністрацыя прэзідэнта Дональда Трампа мае намер узмацніць ціск на кіраўніка Венесуэлы Нікаласа Мадура, якога Вашынгтон абвінавачвае ў арганізацыі наркатрафіку ў ЗША.
Як паведамілі дасведчаныя амерыканскія чыноўнікі The Wall Street Journal, Белы дом для гэтага рыхтуе паветраныя ўдары па шэрагу цэляў у Венесуэле, уключаючы аб’екты, «што знаходзяцца ў зоне ўплыву наркакартэляў і рэжыму Мадура».
Як распавёў адзін з чыноўнікаў, гаворка, у прыватнасці, ідзе пра венесуэльскія ваенна-марскія базы і аэрадромы, уключаючы ўзлётна-пасадачныя палосы, якія, як мяркуецца, выкарыстоўваюцца для незаконнага абароту наркотыкаў.
Паводле слоў суразмоўцаў, Трамп, які анансаваў удары па наземных цэлях у Венесуэле тыдзень таму, пакуль не прыняў канчатковага рашэння аб такіх атаках, аднак цэлі ўжо вызначаныя.
Цяпер чытаюць
«Ток» з Севярынцам: пра знаёмства з Ціханоўскім, прыход Калеснікавай, стаўленне да Бабарыкі і прэтэнзіі Зянона Пазняка11
Каментары