Каля берагоў Турцыі ў Чорным моры гарыць танкер Kairos пад сцягам Гамбіі, паведаміла агенцтва Bloomberg.
Паводле папярэдняй інфармацыі, танкер належаў да расійскага «ценявога флоту», ішоў без грузу ў Наварасійск, а пажар адбыўся праз «знешняе ўздзеянне».
Як паведамляе турэцкае суднаходнае агенцтва Tribeca і агенцтва Bloomberg, інцыдэнт здарыўся прыкладна за 80 кіламетраў на поўнач ад праліва Басфор. Паводле звестак Tribeca, магчымай прычынай выбуху магла стаць міна, аднак гэтая інфармацыя пакуль не пацверджаная.
Паведамляецца, што ратавальнікі неадкладна прыбылі на месца здарэння, усіх 25 членаў экіпажа паспяхова эвакуіравалі.
Паводле інфармацыі Bloomberg, раней Kairos перавозіў расійскую нафту маркі Urals з порта Наварасійск у індыйскі Парадып. Паводле даных сэрвісаў адсочвання суднаў, у момант інцыдэнту танкер накіроўваўся з Егіпта ў расійскі порт для чарговай пагрузкі.
Цяпер чытаюць
Маўрыкій, Сейшэлы, Шры-Ланка і не толькі: паглядзелі, куды збеглі ад беларускіх маразоў праўладныя артысты і вядучыя17
Каментары