Сілы абароны Украіны нанеслі паспяховыя ўдары па некалькіх важных аб’ектах на тэрыторыі Расіі, у тым ліку па авіярамонтным заводзе «ТАНТК імя Берыева» ў Таганрогу ў Растоўскай вобласці, гаворыцца ў заяве Генштаба УСУ.
Як сказана ў заяве, на заводзе праводзіцца мадэрнізацыя стратэгічных бамбардзіроўшчыкаў Ту-95 і самалётаў ДРЛВ А-50. «Паводле папярэдняй інфармацыі, узнік пажар у цэху па рамонце самалётаў Ту-95», — гаворыцца ў паведамленні.
У аўторак украінскія вайскоўцы ўжо заяўлялі пра ўдар па «ТАНТК імя Берыева», мяркуючы, што мог быць разбураны эксперыментальны самалёт А-60.
Расійскія ўлады ў аўторак паведамлялі пра гібель трох чалавек у выніку атакі на Таганрог, але не пацвярджалі ўдар па авіязаводзе.
Генштаб УСУ таксама заявіў пра новую атаку на Афіпскі нафтаперапрацоўчы завод у Краснадарскім краі, які ўжо не раз станавіўся мэтай для дронаў. «Зафіксаваныя выбухі ў раёне цэлі з наступным пажарам на аб’екце», — сказана ў заяве.
Аператыўны штаб Краснадарскага краю ноччу паведамляў, што ў выніку ўдару па НПЗ была пашкоджана частка тэхнічнага абсталявання, «рэзервуары не пацярпелі». Пажар дагэтуль не патушаны — толькі «ліквідавана адкрытае гарэнне».
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары