Здарэнні1212

У Коўне шукаюць маньяка, які забіў дзвюх маладых дзяўчат, а да кватэры трэцяй не дайшоў

«Гэты чалавек дамовіўся са мною, што зойдзе, але так і не з'явіўся ўчора. Сёння ад раніцы дрыжаць рукі і ногі пасля таго, як я даведалася, што гэта маньяк. Я яму сказала і коды дзвярэй, і паверх, але ён не прыйшоў. Я яшчэ сама яму пісала і тэлефанавала, калі ён не прыйшоў, каб даведацца, дзе ён. Не магу паверыць, што цудам засталася жывая».

Бэнас Мікутавічус. 2020 год. Фота: benas.mikutavicius.3 / facebook

Чацвер, 4 снежня, стаў трагічным днём для літоўскага Коўна. У горадзе былі жорстка забітыя дзве маладыя жанчыны. Паліцыя лічыць, што гэтыя забойствы звязаныя паміж сабой, і актыўна шукае адзінага падазраванага.

Першае паведамленне паступіла ў паліцыю каля 13:00. У кватэры было знойдзена цела 22‑гадовай дзяўчыны з перарэзаным горлам. Увечары сваякі іншай дзяўчыны, 24-гадовай, паведамілі, што не могуць звязацца з ёй. Супрацоўнікі паліцыі трапілі ў яе кватэру і знайшлі цела другой ахвяры, таксама са слядамі гвалту.

Абодва злачынствы адбыліся ў адным мікрараёне, дзе месцы здарэнняў падзяляюць усяго некалькі сотняў метраў. Дакладны час смерці вызначаецца, аднак мяркуецца, што першае забойства адбылося раніцай паміж 10 і 11 гадзінамі, а другое — днём, паміж 12 і 13 гадзінамі.

Галоўны пракурор акруговай пракуратуры пацвердзіў, што ў забойстве абедзвюх дзяўчат падазраецца адзін і той жа чалавек — 29‑гадовы Бэнас Мікутавічус.

Крымінальныя справы аб'яднаныя, вядзецца расследаванне па факце забойства, здзейсненага з асаблівай жорсткасцю. Па словах пракурора, на гэты момант няма звестак пра сэксуальны гвалт або іншыя злачынствы. Сам падазраваны раней не быў судзімы і не трапляў у поле зроку паліцыі па крымінальных справах, маючы за плячыма толькі адміністрацыйныя спагнанні.

Мяркуецца, што падазраваны ўсё яшчэ можа знаходзіцца ў Коўне ці ваколіцах, хаця не выключана, што ён перабраўся ў іншы горад. Паліцыя папярэджвае, што Мікутавічус вядзе даволі замкнёны лад жыцця, мае невысокі даход, таму можа перасоўвацца пешшу або на грамадскім транспарце.

Следства высветліла матывы сувязі забойцы з ахвярамі. Першая загінулая дзяўчына — стрыечная сястра Мікутавічуса. Яны жылі ў адной кватэры. Другая ахвяра была звязаная з ім праз арэнду жылля: верагодна, ён дамовіўся паглядзець кватэру, якую дзяўчына здавала або здымала.

Гэтую версію пацвярджаюць і паведамленні ў сацыяльных сетках. У фэйсбуку яшчэ адна жанчына падзялілася перапіскай з Мікутавічусам. Ён тэлефанаваў па аб'яве і хацеў зайсці паглядзець яе кватэру ў чацвер, 4 снежня, пасля абеду, каля 14‑й гадзіны.

«Божа! Мяне ўчора маглі зарэзаць. Гэты чалавек дамовіўся са мною, што зойдзе, але так і не з'явіўся ўчора. Сёння ад раніцы дрыжаць рукі і ногі пасля таго, як я даведалася, што гэта маньяк. Я яму сказала і коды дзвярэй, і паверх, але ён не прыйшоў. Я яшчэ сама яму пісала і тэлефанавала, калі ён не прыйшоў, каб даведацца, дзе ён. Не магу паверыць, што цудам засталася жывая», — цытуе словы жанчыны Delfi.lt.

Фота: Галоўны камісарыят паліцыі Ковенскай акругі (Kauno AVPK)

Журналісты пабывалі ў Таўрагскім раёне, у вёсцы Жыгайчай, адкуль паходзіць падазраваны, і пагутарылі з аднавяскоўцамі, якія ведаюць бацькоў як ахвяры, так і забойцы. Людзі называюць абедзве сям'і нармальнымі і сцвярджаюць, што могуць сказаць пра іх толькі добрае. Вядома, што бацькі Бэнаса разведзеныя, бацька знаходзіцца за мяжой, у сям'і ёсць яшчэ брат і сястра.

Мясцовыя адзначаюць некаторыя асаблівасці паводзін Мікутавічуса. Па іх словах, хлопец быў з дзівацтвамі, пры сустрэчы ніколі не падымаў вачэй і глядзеў уніз.

Па словах мясцовых жыхароў, кватэру ў Коўне стрыечным брату і сястры здымалі супольна бацькі з абодвух бакоў. Аднак, па чутках, сястра фактычна ўтрымлівала брата, які ні за што не плаціў і сядзеў нахлебнікам. Агрэсіі за ім раней не заўважалі.

Жыхары таксама падзяліліся важнай дэталлю, якая можа растлумачыць матыў першага забойства. Па іх словах, менавіта 4 снежня дзядзька (сваяк абаіх маладых людзей) павінен быў прыехаць у кватэру ў Коўне, каб забраць рэчы Бэнаса і выселіць яго.

Землякі ўпэўненыя, што бацька не будзе пакрываць сына, але не ведаюць, дзе той можа хавацца без грошай.

Паліцыя паведаміла, што Мікутавічус абвешчаны ў агульнанацыянальны вышук, а ў найбліжэйшы час плануецца ініцыяваць і міжнародны.

Грамадзян папярэджваюць, што мужчына можа паводзіць сябе неадэкватна і ўяўляць пагрозу, таму катэгарычна рэкамендуецца спрабаваць не затрымліваць яго самастойна, а тэлефанаваць у паліцыю.

Каментары12

  • Спачуванні родным
    05.12.2025
    Госпадзі, спасі і сахрані тую Літву!
  • Цццц
    05.12.2025
    В каком еще ковне? Каунас это, Каунас и больше никак
  • Док
    05.12.2025
    Ковно? Что дальше? Таллин - Колывань? Бахмут - Артемовск?

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць