У Мінску праходзяць перамовы Лукашэнкі і амерыканскай дэлегацыі
Прэс-служба Лукашэнкі пацвердзіла перамовы Аляксандра Лукашэнкі з амерыканскай дэлегацыяй на чале з Джонам Коўлам.
Як піша «Пул першага», перамовы прайшлі сёння, але працягнуцца і заўтра.
«Наша Ніва» сёння раніцай паведамляла, што перамовы маглі пачацца ўчора.
Лукашэнка павіншаваў Коўла з прызначэннем яго спецпасланнікам ЗША ў Беларусі.
«Ты цяпер галоўны па Беларусі ў нас. Перадайце Трампу, што мы нешта павінны зрабіць у сувязі з гэтым. І мы зробім».
«У нас шмат пытанняў. Свет мяняецца вельмі хутка, з'яўляюцца новыя праблемы, якія мы з вамі павінны абмеркаваць. А магчыма, і вырашыць сякія-такія пытанні», — сказаў Лукашэнка.
Апошні візіт дэлегацыі ЗША ў Мінск на чале з пасланнікам Дональда Трампа Джонам Коўлам быў у верасні. Пасля той сустрэчы вызвалілі і дэпартавалі ў Літву 51 палітвязня.
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам4444
Каментары