Коўл: Лукашэнка пагадзіўся спыніць запуск паветраных шароў у бок Літвы
Як паведаміў агенцтву Reuters спецпасланнік прэзідэнта ЗША Дональда Трампа ў Беларусі Джон Коўл, Аляксандр Лукашэнка паабяцаў зрабіць усё магчымае, каб спыніць палёты метэаралагічных шароў з тэрыторыі Беларусі ў Літву. Пра гэта Коул заявіў у Вільні пасля завяршэння перамоў з Лукашэнкам і вызвалення яго рэжымам 123 палітзняволеных.
Па словах Коўла, ён уражаны шчырасцю намераў Лукашэнкі ўрэгуляваць сітуацыю. Чыноўнік адзначыў, што Лукашэнка нібыта хоча нармальных адносінаў з суседзямі і запэўніў яго ў гатоўнасці да супрацоўніцтва.
«Нядаўна ён пагадзіўся зрабіць усё магчымае, каб спыніць запуск паветраных шароў», — сказаў Джон Коўл.
Коул таксама дадаў, што Літва робіць усё магчымае, каб змагацца з тымі, хто атрымлівае кантрабандныя тавары, і цяпер абодва бакі працуюць над вырашэннем праблемы.
Запусканыя з Беларусі паветраныя шары, якія выкарыстоўваюцца кантрабандыстамі для перапраўкі цыгарэт, за апошнія месяцы неаднаразова станавіліся прычынай часовага закрыцця віленскага аэрапорта — такія сітуацыі адбываліся ўжо амаль два дзясяткі разоў.
Літва абвінавачвае беларускія ўлады ў гібрыднай атацы, сцвярджаючы, што менавіта яны спрыяюць кантрабандзе. З-за гэтага ў краіне быў уведзены надзвычайны стан, а парламенту прапанавалі дазволіць прыцягненне вайскоўцаў для дапамогі паліцыі і памежнікам.
Джон Коўл спрагназаваў, што і яшчэ тысячу палітзняволеных дэпартуюць
Джон Коўл пракаментаваў вызваленне палітвязняў
Лукашэнка даў інтэрв'ю жонцы Джона Коўла
На волі Марыя Калеснікава, Віктар Бабарыка, Марына Золатава, Алесь Бяляцкі, Максім Знак! Агулам вызвалены 123 палітвязні
Спіс палітвязняў, вызваленых 13 снежня
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку12
Каментары
Коул бы поинтересовался этим, а то выглядит паскудно, шчыры торгует людскими жизнями, судьбами Беларусов, отбирая жизни и ломая судьбы, и благодаря этой торговле уходит от ответа за свои преступления против Беларусов и Белпруси.