Koŭł: Łukašenka pahadziŭsia spynić zapusk pavietranych šaroŭ u bok Litvy
Jak paviedamiŭ ahienctvu Reuters śpiecpasłańnik prezidenta ZŠA Donalda Trampa ŭ Biełarusi Džon Koŭł, Alaksandr Łukašenka paabiacaŭ zrabić usio mahčymaje, kab spynić paloty mietearałahičnych šaroŭ z terytoryi Biełarusi ŭ Litvu. Pra heta Kouł zajaviŭ u Vilni paśla zaviaršeńnia pieramoŭ z Łukašenkam i vyzvaleńnia jaho režymam 123 palitźniavolenych.
Pa słovach Koŭła, jon uražany ščyraściu namieraŭ Łukašenki ŭrehulavać situacyju. Čynoŭnik adznačyŭ, što Łukašenka nibyta choča narmalnych adnosinaŭ z susiedziami i zapeŭniŭ jaho ŭ hatoŭnaści da supracoŭnictva.
«Niadaŭna jon pahadziŭsia zrabić usio mahčymaje, kab spynić zapusk pavietranych šaroŭ», — skazaŭ Džon Koŭł.
Kouł taksama dadaŭ, što Litva robić usio mahčymaje, kab zmahacca z tymi, chto atrymlivaje kantrabandnyja tavary, i ciapier abodva baki pracujuć nad vyrašeńniem prablemy.
Zapuskanyja ź Biełarusi pavietranyja šary, jakija vykarystoŭvajucca kantrabandystami dla pierapraŭki cyharet, za apošnija miesiacy nieadnarazova stanavilisia pryčynaj časovaha zakryćcia vilenskaha aeraporta — takija situacyi adbyvalisia ŭžo amal dva dziasiatki razoŭ.
Litva abvinavačvaje biełaruskija ŭłady ŭ hibrydnaj atacy, śćviardžajučy, što mienavita jany spryjajuć kantrabandzie. Z-za hetaha ŭ krainie byŭ uviedzieny nadzvyčajny stan, a parłamientu prapanavali dazvolić pryciahnieńnie vajskoŭcaŭ dla dapamohi palicyi i pamiežnikam.
Džon Koŭł sprahnazavaŭ, što i jašče tysiaču palitźniavolenych departujuć
Džon Koŭł prakamientavaŭ vyzvaleńnie palitviaźniaŭ
Łukašenka daŭ intervju žoncy Džona Koŭła
Na voli Maryja Kaleśnikava, Viktar Babaryka, Maryna Zołatava, Aleś Bialacki, Maksim Znak! Ahułam vyzvaleny 123 palitviaźni
Śpis palitviaźniaŭ, vyzvalenych 13 śniežnia
Kamientary
Kouł by pointieriesovałsia etim, a to vyhladit paskudno, ščyry torhujet ludskimi žiźniami, sud́bami Biełarusov, otbiraja žiźni i łomaja sud́by, i błahodaria etoj torhovle uchodit ot otvieta za svoi priestuplenija protiv Biełarusov i Biełprusi.