Аўто77

У Беларусі прадаюць «бандыцкую» BMW 1990 года выпуску за шалёныя грошы. Пішуць, што аўто з Японіі

За амаль 35 гадоў машына праехала ўсяго 52 тысячы кіламетраў.

Фота: av.by

Прадавец запэўнівае, што аўтамабіль знаходзіцца ў музейным стане, у цалкам заводскім выкананні і мае рэдкі колер Vulkan-Grau.

Просяць за 35‑гадовую BMW 5‑й серыі ў кузаве E34 31 900 даляраў.

Фота: скрыншот з сайта av.by

У аб’яве пазначана, што машына ўсяго месяц таму прыехала да нас з Японіі, а прабег у 52 тысячы арыгінальны, і нібыта ёсць усе дакументы, якія могуць яго пацвердзіць.

Праверка аўто па ўказаным VIN-нумары паказвае, што ён сапраўды належыць гэтаму аўто і што з канвеера гэтая BMW сышла 1 кастрычніка 1990 года. Нягледзячы на тое, што ў Японіі левабаковы рух, руль у гэтай BMW з завода стаіць з левага боку, што для Японіі хоць і рэдкасць, але не такая ўжо і вялікая.

Фота: av.by

Праверка нумара кузава прыводзіць на сайт латвійскай кампаніі, якая спецыялізуецца на імпарце янгтаймераў і класічных аўто з Японіі. Машына там знаходзіцца ў базе ўжо прададзеных аўто.

Фота: скрыншот з сайта youngtimercar.eu

На сайце латвійскага прадаўца ёсць фоты гэтай BMW, па якіх відаць, што машына сапраўды знаходзілася ў Японіі, і фоты, якія, па ўсёй бачнасці, былі зробленыя ўжо ў Латвіі.

Фота гэтай машыны ў Японіі. Фота: youngtimercar.eu

На момант продажу ў гэтай краіне прабег аўто складаў 49 730 кіламетраў. Таму атрымліваецца, што з Японіі машына спачатку трапіла ў Латвію, а адтуль ужо ў Беларусь. Дата мытнага афармлення ў Беларусі — 4 лістапада 2025 года.

Той факт, што гэта сапраўды той самы аўтамабіль, пацвярджае фота з аб’явы на av.by, дзе бачныя паднумарныя рамкі з сайтам латвійскага прадаўца і сляды ад налепкі «535i», якую ў Беларусі вырашылі прыбраць, бо гэта ўсё ж версія 525i з 2,5‑літровым бензінавым рухавіком пад капотам, а не з 3,5 літра.

Левы здымак з аб'явы на av.by, правы — з сайта youngtimercar.eu

Што да камплектацыі, то гэта даволі шараговая версія для BMW 5‑й серыі тых гадоў выпуску. Што да стану, то аўтамабіль для свайго ўзросту выглядае сапраўды вельмі добра.

Фота: av.by

Наколькі такая цана апраўданая — пытанне складанае, але з апісання ў аб’яве выглядае, што прадавец у тым ліку разлічвае на пакупнікоў з Расіі. «Размытнена + зроблены электронны пашпарт на Расію» — гаворыцца ў апісанні.

BMW 5‑й серыі E34 выпускалася з 1988 па 1996 год, за гэты час было выпушчана 1 333 412 аўто ў кузавах седан і ўніверсал.

На постсавецкай прасторы гэтая мадэль атрымала расшыфроўку БМВ як «Баявая Машына Вымагальнікаў» праз папулярнасць «пяцёркі» ў крымінальных колах. Пазней менавіта E34 часцяком выкарыстоўвалі ў фільмах пра бандыцкія 90-я, тыпу «Жмурак» Аляксея Балабанава.

«Наша Нiва» — бастыён беларушчыны

ПАДТРЫМАЦЬ

Каментары7

  • Смотрю в книгу - вижу фигу
    25.12.2025
    screen, это 525 с наклейкой 535 была. Японцы любят понтоваться вот и налепили вместо оригинала более крутые циферки
  • театр Кибуцу
    25.12.2025
    Может она вся в шпакле, а чо такая дорогая? Хозяин замучался жуков гонять и перекрашивать.Так она серая, или зеленая))). С чего рамка заднего номерного знака укороченая, как у америкоса? Тогда где американский передний бампер?)) Это так в Японии делают?
  • Cl
    25.12.2025
    [Рэд. выдалена]

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

У Мінску ўжо паставілі першую ёлку5

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска3

Нявестка Ліліі Ананіч стала топ-менеджарам у БелТА — вярнулася на радзіму праз чатыры месяцы пасля эміграцыі ў Кітай24

Ва Украіне 14‑гадовая школьніца нарадзіла ад 60‑гадовага мужчыны. Яна кажа, што ён добры бацька, і прасіла не караць яго28

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць