Начальнік Галоўнага ўпраўлення разведкі Мінабароны Украіны перайшоў на цывільную пасаду.
Начальнік Галоўнага ўпраўлення разведкі Мінабароны Украіны Кірыла Буданаў узначаліў Офіс прэзідэнта Украіны.
Папярэдні кіраўнік Офіса Андрэй Ярмак быў звольнены пасля карупцыйнага скандалу.
«Сустрэўся з Кірылам Буданавым і прапанаваў яму пасаду кіраўніка Офіса прэзідэнта Украіны. Зараз Украіне трэба больш увагі надаваць пытанням бяспекі, развіццю Сіл абароны і бяспекі Украіны, а таксама дыпламатычнаму трэку ў перамовах, і Офіс прэзідэнта будзе служыць выкананню найперш такіх задач нашай дзяржавы. Кірыл мае асаблівы досвед у гэтых сферах і дастатковыя сілы для дасягнення вынікаў. Таксама даручыў новаму кіраўніку Офіса прэзідэнта сумесна з сакратаром Рады нацыянальнай бяспекі і абароны Украіны і іншымі неабходнымі кіраўнікамі і ўстановамі абнавіць і прадставіць на зацвярджэнне стратэгічныя асновы абароны і развіцця нашай дзяржавы і далейшыя крокі», — напісаў у сваім тэлеграм-канале Уладзімір Зяленскі.
Кірыла Буданаў нарадзіўся ў 1986 годзе ў Кіеве. Скончыў Адэскі інстытут Сухапутных войск (2007), пасля чаго пачаў служыць у атрадзе спецпрызначэння Галоўнага ўпраўлення разведкі Міністэрства абароны Украіны, дзе займаў розныя пасады. З вясны 2014 года браў удзел ва ўзброеным канфлікце на ўсходзе Украіны. Меў баявыя раненні.
5 жніўня 2020 года прэзідэнт Украіны Уладзімір Зяленскі прызначыў палкоўніка Буданава начальнікам Галоўнага ўпраўлення разведкі Мінабароны Украіны. 3 красавіка 2022 года прысвоены вайсковы ранг генерал-маёр.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2828
Каментары
)))