Меркаванні6666

Пазняк нагадаў, што Калеснікава — «палітычнае нішто», але з разумнай сястрой

Ветэран беларускага руху Зянон Пазняк даў у фэйсбуку ацэнку апошняй ініцыятыве нядаўна вызваленай палітзняволенай Марыі Калеснікавай і апалчыўся на «папулісцкіх «невераятных».

Зянон Пазняк. Фота: «Наша Ніва»

Напачатку свайго допісу Зянон Пазняк заявіў пра поспехі сваёй уласнай пазіцыі «ў справе вызвалення палітвязняў, адмены эканамічных санкцыяў і сцвярджэння палітычнай суб'ектнасці Беларусі», якія сталі магчымыя дзякуючы «разумнай рацыянальнай палітыцы Прэзідэнта Трампа».

Але гэтыя поспехі выклікалі «адчайную актыўнасць агентуры (і прафанатараў) супраць нашай палітыкі», і «тут нічога новага. Такая ўжо праклятая рэальнасць праклятага часу».

Тым не менш, на думку ветэрана беларускага руху, праявілася тое-сёе і новае, ці забытае старое. І яно звязанае з іменем Марыі Калеснікавай, супраць якой Пазняк неаднаразова рэзка выступаў падчас яе зняволення і не змяніў сваёй пазіцыі цяпер:

«Памятаем гэтае «палітычнае нішто» — Марыю Калеснікаву. (Ізноў жа нагадваю — азначэнне ў палітыцы не датычыць асобы, асаба застаецца сама сабой). І што толькі ні вытваралі папулісты з гэтага прыдуманага палітвобразу. Папулісцкую бурбалку раздзьмухвалі да «невераятных» памераў, плакаты стваралі, з языка не спускалі, суб'екты мужчынскага роду губы чырвонай фарбай фарбавалі (каб быць падобнымі на «Машу»)».

Цяпер, аднак, Калеснікава, нягледзячы на ўласную палітычную нікчэмнасць, знаходзіцца ў іншай сітуацыі. Яна

«відаць, паразмаўляла са сваёй разумнай сястрой Таццянай Хоміч і выдала ў інтэрв'ю тое, за што якраз даўно стаіць Хоміч. Гэта значыць, пра неабходнасць перамоваў з рэжымам дзеля вызвалення палітвязняў — шляхам адмены эканамічных санкцыяў, таксама пра аднаўленне кантактаў жыхароў Беларусі з Еўропай».

Аднак жа ацаніць і прыняць гэту трансфармацыю не кожнаму дадзена: 

«Усе гэтыя папулісцкія «невераятныя», што фарбавалі губы і абагаўлялі Калеснікаву ў турме, зграяй накінуліся на яе і змяшалі з пылам, сталі яе таптаць, вучыць жыць, абурацца, хіхікаць і г. д. Ад фальшывай папулісцкай «невераятнай любві» да фальшывай хамскай нянавісці — адзін крок. Ірацыянальнае і адно, і другое».

Каментары66

  • Вероятный
    29.01.2026
    Мог и не напоминать. Теперь это все видят и так. Ну кроме уж совсем невероятных!
  • Факты
    29.01.2026
    Не трэба Пазняка цытаваць, там розуму нуль, ён любіць толькі сябе.
  • Севярынец і Бяляцкі падтрымалі Ціханоўскую
    29.01.2026
    Разумныя людзі ўсё разумеюць, Напалеоны тыпу Пазняка не лічацца.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць