Paźniak nahadaŭ, što Kaleśnikava — «palityčnaje ništo», ale z razumnaj siastroj
Vieteran biełaruskaha ruchu Zianon Paźniak daŭ u fejsbuku acenku apošniaj inicyjatyvie niadaŭna vyzvalenaj palitźniavolenaj Maryi Kaleśnikavaj i apałčyŭsia na «papulisckich «nievierajatnych».
Napačatku svajho dopisu Zianon Paźniak zajaviŭ pra pośpiechi svajoj ułasnaj pazicyi «ŭ spravie vyzvaleńnia palitviaźniaŭ, admieny ekanamičnych sankcyjaŭ i śćviardžeńnia palityčnaj subjektnaści Biełarusi», jakija stali mahčymyja dziakujučy «razumnaj racyjanalnaj palitycy Prezidenta Trampa».
Ale hetyja pośpiechi vyklikali «adčajnuju aktyŭnaść ahientury (i prafanataraŭ) suprać našaj palityki», i «tut ničoha novaha. Takaja ŭžo praklataja realnaść praklataha času».
Tym nie mienš, na dumku vieterana biełaruskaha ruchu, prajaviłasia toje-sioje i novaje, ci zabytaje staroje. I jano źviazanaje ź imieniem Maryi Kaleśnikavaj, suprać jakoj Paźniak nieadnarazova rezka vystupaŭ padčas jaje źniavoleńnia i nie źmianiŭ svajoj pazicyi ciapier:
«Pamiatajem hetaje «palityčnaje ništo» — Maryju Kaleśnikavu. (Iznoŭ ža nahadvaju — aznačeńnie ŭ palitycy nie datyčyć asoby, asaba zastajecca sama saboj). I što tolki ni vytvarali papulisty z hetaha prydumanaha palitvobrazu. Papulisckuju burbałku razdźmuchvali da «nievierajatnych» pamieraŭ, płakaty stvarali, ź jazyka nie spuskali, subjekty mužčynskaha rodu huby čyrvonaj farbaj farbavali (kab być padobnymi na «Mašu»)».
Ciapier, adnak, Kaleśnikava, niahledziačy na ŭłasnuju palityčnuju nikčemnaść, znachodzicca ŭ inšaj situacyi. Jana
«vidać, parazmaŭlała sa svajoj razumnaj siastroj Taćcianaj Chomič i vydała ŭ intervju toje, za što jakraz daŭno staić Chomič. Heta značyć, pra nieabchodnaść pieramovaŭ z režymam dziela vyzvaleńnia palitviaźniaŭ — šlacham admieny ekanamičnych sankcyjaŭ, taksama pra adnaŭleńnie kantaktaŭ žycharoŭ Biełarusi ź Jeŭropaj».
Adnak ža acanić i pryniać hetu transfarmacyju nie kožnamu dadziena:
«Usie hetyja papulisckija «nievierajatnyja», što farbavali huby i abahaŭlali Kaleśnikavu ŭ turmie, zhrajaj nakinulisia na jaje i źmiašali z pyłam, stali jaje taptać, vučyć žyć, aburacca, chichikać i h. d. Ad falšyvaj papulisckaj «nievierajatnaj lubvi» da falšyvaj chamskaj nianaviści — adzin krok. Iracyjanalnaje i adno, i druhoje».
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli
Kaleśnikava: Ja nie razumieju, čamu Jeŭropa nie pačała pieramovy z Łukašenkam raniej za ZŠA
Paźniak pra Babaryku i Kaleśnikavu: Nijakaja turma nie pierarobić takich
Paźniak pra Kaleśnikavu: Niama adkazu na pytańnie, navošta ź jaje ŭparta raskručvajuć revalucyjaniera i lidara
Paźniak: Kaleśnikava — štučna razdźmutaja asoba, jakaja adznačyłasia infantylnymi pavodzinami i niedalokimi kazańniami
Paźniak: Kaleśnikava — poŭnaje palityčnaje ništo
Ciapier čytajuć
Aryna Sabalenka vyjšła da minčukoŭ u atačeńni vaśmi achoŭnikaŭ VIDEA22
Kamientary