Золата ў чацвер працягвае сваё імклівае ралі і дасягнула рэкорднага ўзроўню — крыху не дацягнуўшы да $5 600 за ўнцыю, бо інвестары шукалі бяспечныя актывы на фоне геапалітычнай і эканамічнай нявызначанасці, у той час як срэбра амаль перасягнула адзнаку $120, піша Reuters.
Спотавая цана на золата падскочыла да $5 538,69 за ўнцыю па стане на 06:49 па Мінску, пасля таго як раней быў зафіксаваны рэкорд $5 591,61.
Лютаўскі ф'ючарс каштуе 5405 даляраў.
«Рост запазычанасці ЗША і нявызначанасць, выкліканая прыкметамі таго, што глабальная гандлёвая сістэма расколваецца на рэгіянальныя блокі, адыходзячы ад мадэлі, арыентаванай на ЗША, падштурхоўваюць вядучых інвестараў укладвацца ў золата», — сказаў аналітык Marex Эдвард Меір.
У сярэдзіне снежня золата каштавала 4500 даляраў за унцыю, у гэты панядзелак, 26 студзеня, яно ўзяло планку 5000 даляраў і пачало даражэць шалёнымі тэмпамі: аўторак — 5100, серада раніцай — 5200, серада (дзень) — 5300 даляраў.
За гэты месяц золата падаражэла на 22 працэнты, за ўвесь 2025 год рост склаў 64 працэнты.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ23
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Каментары