Каму верыць: прагнозам ці свайму тэрмометру? Спыталі ў адмыслоўца
У тыктоку сотні каментарыяў пра тое, што мароз быў мацнейшы, чым афіцыйна абвяшчаюць. Людзі пішуць: ну якія 25? У мяне на тэрмометры было 29. Якія 28? У мяне паказвала 32. І каму верыць? Сайтам ці свайму тэрмометру? Нехта нават лічыць, што па тэлевізары адмыслова паказваюць завышаную тэмпературу, каб не адмяняць працу прадпрыемстваў і заняткі ў школе.
Мы спыталі ў фізіка з Акадэміі навук. Ён патлумачыў, як так атрымліваецца.
Пры нізкіх тэмпературах у бытавых тэрмометрах вадкасць можа прыліпаць да сценкі капіляра, і ўтвараюцца мікраразрывы слупка — непрыкметныя для вока. Уплывае і тое, што тэрмометр мы вешаем на сценах і вокнах без цеплаэкранаў.
Усё гэта прыводзіць да хібнасці тэрмометра на некалькі градусаў. А вось метэаролагі вымяраюць тэмпературу дакладнымі прыборамі.
Паказчыкам, якія даюць амерыканская Foreca, нарвежская Yr.no і нямецкая метэаслужбы, можна верыць.
Каментары