Пракрамлёўскія эканамісты аб'явілі пра пачатак банкаўскага крызісу ў Расіі
Пра тое, што ў Расіі фактычна пачаўся банкаўскі крызіс, паведаміў блізкі да ўладаў Цэнтр макраэканамічнага аналізу і кароткатэрміновага прагназавання (ЦМАКП), спасылаючыся на сваю сістэму ранняга папярэджання. Паводле яе звестак, крызіс ужо адпавядае фармальным прыкметам, а крыху раней быў зафіксаваны і крызіс праблемных пазык, піша The Moscow Times.
Аналітыкі адзначаюць, што існуюць высокія рызыкі масавага зняцця ўкладаў. Пакуль гэтага не адбываецца, бо крызіс мае схаваны характар, але пры пагаршэнні сітуацыі праблемы могуць стаць відавочнымі.
Пад сістэмным банкаўскім крызісам разумеецца сітуацыя, калі доля праблемных актываў перавышае 10%, укладчыкі масава забіраюць грошы з рахункаў або дзяржава вымушаная ратаваць значную частку банкаў праз нацыяналізацыю ці маштабную дакапіталізацыю.
ЦМАКП сцвярджае, што цяперашні крызіс пакуль умераны: праблемнымі з’яўляюцца крыху больш як у 10% актываў і крэдытаў. Аднак у асобных сегментах сітуацыя горшая — напрыклад, у крэдытах малому і сярэдняму бізнэсу праблемнымі з’яўляюцца каля 19%.
Паводле звестак Цэнтрабанка, на канец кастрычніка праблемнымі былі больш за 11% карпаратыўных крэдытаў і каля 6% рознічных. Каб не дапусціць масавых банкруцтваў, рэгулятар рэкамендуе банкам ісці насустрач кампаніям і рэструктурызаваць іх пазыкі, нават не павялічваючы рэзервы. Гэтыя паслабленні былі падоўжаныя як мінімум на першую палову гэтага года.
ЦМАКП тлумачыць, што дзякуючы масавай рэструктурызацыі даўгоў і дамінаванню дзяржаўных банкаў крызіс застаецца схаваным — падобна да сітуацыі ў 2022 годзе. Акрамя таго, частка сродкаў Фонду нацыянальнага дабрабыту ўкладаецца ў банкі ў выглядзе субардынаваных дэпазітаў, што фактычна з’яўляецца экстраннай дакапіталізацыяй найбуйнейшых фінансавых устаноў.
Цэнтрабанк афіцыйна называе якасць крэдытных партфеляў «прымальнай», але прызнае рост рызык. Асноўныя праблемы звязаныя з пазыковай нагрузкай бізнэсу. Запаволенне эканомікі, высокія працэнтныя стаўкі і неспрыяльная кан’юнктура прывялі да росту крэдытных рызык, асабліва ў малым і сярэднім бізнэсе і ў экспартна арыентаваных галінах.
Каб абмежаваць пагрозы, ЦБ узмацняе патрабаванні да банкаў пры крэдытаванні найбуйнейшых закрэдытаваных кампаній. Аднак пакуль гэта не дае выніку: завінавачанасць такіх пазычальнікаў працягвае расці. Таму з вясны рэгулятар плануе яшчэ больш павысіць нормы рэзервавання, а пры неабходнасці — узмацніць іх дадаткова.
Еўрасаюз абмяркоўвае поўную забарону марскіх перавозак расійскай нафты
Цана на золата ўпершыню перавысіла адзнаку $5 тысяч, працягваючы гістарычны рост
Галоўчанка заявіў пра неабходнасць сінхранізацыі палітыкі Нацбанка з палітыкай расійскага Цэнтрабанка
Кіраўніца расійскага Цэнтрабанка заявіла пра вычарпанне апошніх рэсурсаў росту расійскай эканомікі
Мінск сёння вечарам пагрузіўся ў цемру. Пасля загаду Лукашэнкі51
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары
да таго : "ЗША прапанавалі Індыі замяніць расійскую нафту на венесуэльскую"
-NN
прапанавалі ?) а шо індусы могуць сказаць не?) цікава, выглядае гэта усё было запланавала Д. Трампам. Сашка не спі ў шапку, Індусы за 22 $ уралс бяруць, ты кажы імперыялістам 10 $ не больш ))