Беларус, узяты ў палон украінцамі, звярнуўся да Лукашэнкі з просьбай закінуць за яго слоўца перад Пуціным
У тэлеграм-канале ўкраінскага праекта «Хочу жить» з'явіўся відэазварот грамадзяніна Беларусі Руслана Купрацэвіча, звернуты да Аляксандра Лукашэнкі. У ім 24‑гадовы мужчына, які ваяваў на фронце за Расію і якога ўкраінцы ўзялі ў палон, просіць Лукашэнку пахадайнічаць перад Пуціным, каб яго ўключылі ў расійскія спісы для абмену ваеннапалоннымі.
У сваім звароце Купрацэвіч піша, што падпісаў кантракт з расійскім Міністэрствам абароны 24 ліпеня 2025 года, знаходзячыся ў калоніі ў расійскім Сургуце. У палон трапіў 4 верасня.
Мужчына просіць Лукашэнку «звярнуцца з просьбай да прэзідэнта Расійскай Федэрацыі Уладзіміра Уладзіміравіча Пуціна і дапамагчы мне хутчэй вярнуцца дамоў. Таму што дома мяне чакаюць мае жонка, дзіця, цётка і бабуля».
Раней паведамлялася, што Купрацэвіч адбываў тэрмін у расійскай калоніі за крадзеж. Ён быў адпраўлены на службу ў 136‑ю асобную мотастралковую брыгаду Сухапутных войскаў, якая дыслакуецца ў Дагестане і якой камандуе дагестанец.
Варта адзначыць, што, як раней неаднаразова пісалі, абмененым ваеннапалонным у Расіі нават не заўсёды дазваляюць сустрэцца з сем'ямі, а замест гэтага адпраўляюць назад на фронт, прычым не становяцца перашкодай нават раненні або кепскі стан здароўя.
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне13
Каментары