Беларус паказаў маладое пакаленне грыбоў, якія растуць у лесе ў лютым
Нягледзячы на моцныя маразы і снегапады, некаторыя аматары грыбоў не могуць сядзець дома і ўжо выходзяць у лес. Адзін з актывістаў групы «Грыбныя войскі Беларусі» ў «ВКонтакте» паказаў, што нават у лютым, падчас кароткай адлігі, у лесе прарастаюць новыя грыбы, піша Telegraf.news.
Грыбнік прайшоў праз мятровыя снежныя наносы, але яго прагулянка была паспяховай: пад карой дрэў і на дрэвах працягваецца жыццё, і нават пры мінусавых тэмпературах некаторыя віды грыбоў працягваюць расці.
Мужчына знайшоў зімовыя апенькі (Flammulina velutipes), вешанкі, здольныя замярзаць і потым аднаўляць рост, а таксама далікатэсную Tremella mesenterica — аранжавую «дрыжалку», за якой сочаць гурманы.
Сярод знойдзеных грыбоў былі і «старэйшыя» экзэмпляры з мінулага года, і маладое пакаленне. Па словах аўтара відэа, калі надвор’е будзе спрыяльным, новым грыбам спатрэбіцца яшчэ некалькі тыдняў, каб яны выраслі і іх можна было браць у кошык.
Грыбнік прагназуе, што вялікія «букеты» грыбоў могуць з’явіцца ўжо да канца лютага, але метэаролагі папярэджваюць пра працяглы перыяд анамальна халоднага надвор’я, які можа цягнуцца да канца месяца і ў пачатку сакавіка. Таму масавага збору грыбоў беларусам пакуль чакаць рана.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары
Пры татальным голадзе гэта не працуе.