Заўтра ў Жэневе адбудзецца сустрэча толькі Украіны і ЗША. Трохбаковыя перамовы могуць адбыцца на пачатку сакавіка
У чацвер, 26 лютага, кіраўнік украінскай дэлегацыі Рустэм Умераў сустрэнецца з амерыканскімі перамоўшчыкамі Стывам Уіткафам і Джарэдам Кушнерам. Пра гэта паведаміў Уладзімір Зяленскі, піша РБК-Украіна.
«Першае пытанне — гэта prosperity package, гэта значыць пакет аднаўлення Украіны, і будуць абмяркоўвацца дэталі. Другое пытанне — падрыхтоўка да трохбаковай сустрэчы, якая ўжо будзе з Расіяй і, на наш погляд, адбудзецца на пачатку сакавіка».
Раней Уіткаф заявіў, што наступны раўнд трохбаковых перамоваў можа прайсці на працягу 10 дзён.
Таксама ён адзначыў, што на папярэдніх перамовах у Абу-Дабі расійская дэлегацыя праявіла ўмеранасць і прадэманстравала «сапраўдную камунікацыю»:
«Мы падзяліліся на асобныя пакоі. Адбываліся ваенныя перамовы, абмяркоўвалі эканамічнае развіццё. Што да расіян, мы ўбачылі пэўную ўмеранасць і, думаю, убачылі сапраўдную камунікацыю».
Цяпер чытаюць
І пра рэальных бандытаў, і пра крыварукага Косцю-плітачніка, і пра сэкс у цягніку. Журналістка з Гомеля напісала кнігу — чытаць яе страшна і смешна1111
Каментары