Узброеныя сілы Украіны атакавалі дронамі нафтабазу ў горадзе Армавір у расійскім Краснадарскім краі. Пасля атакі на тэрыторыі аб’екта ўзнік пажар, паведаміў аператыўны штаб рэгіёна.
Паведамляецца, што агонь ахапіў каля 200 квадратных метраў. Паводле папярэдняй інфармацыі, пацярпелых няма. Для ліквідацыі пажару быў залучаны 91 чалавек і 26 адзінак тэхнікі.
Таксама ў расійскім Міністэрстве абароны заявілі, што ў ноч на нядзелю, 8 сакавіка, над рознымі рэгіёнамі Расіі нібыта былі перахопленыя і знішчаныя 72 украінскія беспілотнікі самалётнага тыпу.
Найбольшую колькасць дронаў, паводле гэтых звестак, збілі над Астраханскай вобласцю і анексаваным Крымам — па 20 апаратаў. У Растоўскай вобласці паведамляецца пра знішчэнне 14 беспілотнікаў, у Белгародскай — васьмі. Яшчэ чатыры былі збітыя ў Краснадарскім краі, тры — у Курскай вобласці, два — над Валгаградскай вобласцю і адзін — над водамі Азоўскага мора.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс14
Віктар Лукашэнка засвяціў на пасяджэнні НАК свой гадзіннік — цяжкі люкс
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю77
Каментары
У Севастопалі і селішчэ Гранітне
У Чорнобаівцы і місте Армавір
Цвіте бавоўна гіне рускі мір.