Uzbrojenyja siły Ukrainy atakavali dronami naftabazu ŭ horadzie Armavir u rasijskim Krasnadarskim krai. Paśla ataki na terytoryi abjekta ŭźnik pažar, paviedamiŭ apieratyŭny štab rehijona.
Paviedamlajecca, što ahoń achapiŭ kala 200 kvadratnych mietraŭ. Pavodle papiaredniaj infarmacyi, paciarpiełych niama. Dla likvidacyi pažaru byŭ załučany 91 čałaviek i 26 adzinak techniki.
Taksama ŭ rasijskim Ministerstvie abarony zajavili, što ŭ noč na niadzielu, 8 sakavika, nad roznymi rehijonami Rasii nibyta byli pierachoplenyja i źniščanyja 72 ukrainskija bieśpiłotniki samalotnaha typu.
Najbolšuju kolkaść dronaŭ, pavodle hetych źviestak, źbili nad Astrachanskaj vobłaściu i anieksavanym Krymam — pa 20 aparataŭ. U Rastoŭskaj vobłaści paviedamlajecca pra źniščeńnie 14 bieśpiłotnikaŭ, u Biełharodskaj — vaśmi. Jašče čatyry byli źbityja ŭ Krasnadarskim krai, try — u Kurskaj vobłaści, dva — nad Vałhahradskaj vobłaściu i adzin — nad vodami Azoŭskaha mora.
Kamientary
U Sievastopali i sielišče Hranitnie
U Čornobaivcy i mistie Armavir
Ćvitie bavoŭna hinie ruski mir.